تۆرکمنیستان ینگ جمهورباشلیغی رئیسی نینگ سایلاوداقی اۆستۆنلیگینی قوتلادی

تۆرکمنیستان ینگ جمهورباشلیغی قوربان قولی بردی محمدوف ایران ینگ تأزه سایلانان جمهورباشلیغی ابراهیم رئیسی نینگ اۆستۆنلیک قازانماغینی قوتلادی.

بردی محمدوف سید ابراهیم رئیسی-یه ایران اسلام جمهوریتی نینگ جمهورباشلیغی وظیپه سینه سایلانماغینی تۆیس یۆره‌کدن قوتلایاندیغینی آیتدی.

بردی محمدوف قوتلاغ یۆزلِنمه سینده شیه یازدی:

"بیز دوُست- دوُغانلیغیمیزینگ و اؤزآرا حوُرمات قوُیماغینگ بای تجریبه سینه اساسلانیان قاتناشیقلاریمیزینگ حالقلاریمیزینگ بأحبیدینه موندان بیلأک ده اؤسدۆریلجکدیگینه برک اینانیاریس"

تۆرکمنیستان ینگ جمهورباشلیغی، شیله یاقیملی مۆمکینچیلیکدن پیدالانیپ سید ابراهیم رئیس-یه تۆیس یۆره‌دن برک جان ساغلیق، ایران ینگ دوُغانلیق حالقینا اؤنگه گیتمه گینه هم ده گۆللأپ اؤسمه گینه گؤنۆکدیریلن أهلی باشلانغیچلاریندا و ایشلرینه اۆستۆنلیک آرزوو اتدی.

موندان اوُزال اؤزبگیستان، آذربایجان، تۆرکیه و بیله کی قوُنگشی یورتلار دا ایران دا سایلانان تأزه جمهورباشلیق ابراهیم رئیسی-نی قوتلاپدی.