حوُجالی داقی قیرغینچیلیق هیچ اونوتیلمادی
29 ییل موندان اوُزال شو گۆن یۆزلرچه آذربایجان رایاتی ارمنیستان ینگ اشغالچی قشونی تاراپیندان اؤلدۆریلدی
آرادان 29 ییل گچدی اِمما حوُجالی داقی قیرغینچیلیق هیچ اونوتیلمادی.
حوجالی قیرغینچیلیقدان اوُزال 2 مۆنگ 500 ماشغالانینگ، 7 مۆنگ آدامینگ یاشایان یریدی.
کیچی بیر شهر.
یاشاییجیلاری بوُلسا اکرانچیلیق و مالدارچیلیق بیلن مشغول بوُلان یؤنه کی رایاتلار.
1992-نجی ییلینگ 26-نجی فورالیندا ارمنیستان ینگ یاراغلی گۆیچلری، شوروی نینگ حان کندی شهریندأکی موتوریزه پیادا توُپاری نینگ قوُلداوی بیلن خوُجالی شهرینی قاباو آستینا آلیپدی.
شهر دؤرت بیر یاندان تانکلار بیلن اورولدی.
و ارمنی اشغالچی قشونی 20-نجی عاصرینگ اولی بیر جنایاتینی اتدی.
613 آذربایجانلی شوُل قیرغینچیلیقدا آرادان چیقدی.
آرادان چیقانلارینگ 63-ی چاغا، 106-سی زنانا، 70- ی بوُلسا قارری.
25 چاغانینگ هم انه سی هم آتاسی اؤلدۆریلدی.
130 چاغانینگ انه سی آتاسیندان بیری اؤلدۆریلدی.
کؤپ سانلی آدام دا آغیر یاغدایدا یارالاندی.
شو گۆنه چنلی هنیز 150 آدام ییتیک و باشینا نأمه گلندیگی بیلینمه یأر.
آذربایجان ینگ پارلمانی 1994-نجی ییلدا حوُجالی داقی واقانی قیرغینچیلیق حؤکمۆنده تانادی.
بو جنایات دۆنیأدأکی 17 یورتدا و آمریکانینگ 20-دن کؤپ ایالتینده قیرغینچیلیق دییپ یازغاریلدی.