أردۇغان: آهیسکا تۆرکلرینه قۇلداویمیزی دۇوام اتدیرریس

تۆرکیأنینگ جمهورباشلیغی رجب طیب أردۇغان آهیسکا تۆرکلرینی قۇلداماغا و اۇلارینگ حاقلارینی قۇراماغا دۇوام اتجکدیکلرینی آیتدی.

اۇن نۆگلرچه آهیسکا تۆرکی نینگ گۆرجیستان داقی یورتلاریندان قۇویلماغی نینگ ۷۵-نجی ییلیندا واقا شایاتلیق ادن ۳۰ آهیسکالی تۆرک داشاری یورتلی تۆرکلر و قارینداش جمغیتچیلیکلر اداراسی (YTB) نینگ قوران داباراسیندا تۆرکیأنینگ جمهورباشلیغی أردۇغان بیلن دوشوشدی.

آهیسکا تۆرکلری نینگ بیر بؤله گی نینگ ۷۵ ییل اۇزال قۇویلان یرلرینه قایتماق اۆچین حاقلی گؤره ش بریأندیکلرینی آیدان تۆرکیأنینگ جمهورباشلیغی رجب طیب أردۇغان، تۆرکیه حؤکمۆنده اؤزلری نینگ دا عادالات اۆچین حالقارا حقوق اساسیندا بو گؤره شه قۇلداو بریأندیگینی یاتلاتدی.

أردۇغان سؤزلرینده،

"ان شاءالله موندان سۇنگرا دا سیزینگ بو گؤره شینگیزه قۇلداو برمأگه دۇوام ادیپ، هم گۆرجیستانلی ماقاملار هم ده اوروپا گنگه شینده شو مسئله باراسیندا تاغاللالاریمیزا دۇوام اتدیرریس. بو مسئله گۆرجیستان بیلن قاتناشیقلاریمیزینگ و گۆن اۇرتا قفقاز باراسینداقی سیاساتیمیزینگ بیر پارچاسی بۇلماغا دۇوام ادر" دیدی.