آهیسکا تۆرکلری ۷۵ ییل اۇزال یورتسیز قالدی

شوروی نینگ دؤورۆنده ژوزف استالین تاراپیندان اؤز دۇغدوق دیارلاریندان قۇویلان بو تۆرکلر هنیز هم واطان حاسراتی بیلن یانیپ توتوشیار.

گۆرجیستان بیلن تۆرکیأنینگ سرحدینده یرلِه‌شیأن آهیسکا ۱۸۲۸-۱۸۲۹ ییللاری آرالیغیندا عثمانلی – روس ساواشیندان سۇنگ قۇل چکیلن ایلالاشیق بیلن روسیا بریلدی.

۱-نجی جاهان اورشوندان سۇنگرا شوروی نینگ بیر پارچاسی بۇلان آهیسکا گۆرجیستانا باغلاندی.

استالین ۲-نجی جاهان اورشوندان سۇنگرا آهیسکالی تۆرکلری اۆلکه‌لریندن سۆرگۆن اتدی.

شیله لیک بیلن ۸۶ مۆنگ آهیسکالی تۆرک اۇرتا آسیانینگ دۆرلی یورتلارینا سۆرۆلدی.

اۇلارا بیرنأچه ساغادینگ ایچرسینده طایارلانماقلاری ایسله‌ندی و اؤز اگین اشیکلرینی آلماغا دا پورصات تاپمادیلار.

واگنلارا مۆندۆریلن بو تۆرکلرینگ ۱۷ مۆنگی یۇلدا آچلیق و سۇویقدان اؤلدی.

شو واغت قازاغیستان، قیرغیزیستان و اؤزبگیستان دا یاشایان آهیسکا تۆرکلری هنیز هم اؤز دۇغدوق دیارلارینی آرزوو ادیأر.

استالین آهیسکا تۆرکلرینی و کریمه تاتارلارینی سۆرگۆن ادیپ قارادنگیزی تۆرکلردن بۇشاتماق ایسله یأردی.

شو واغتقی آهیسکادا ۲۰ مۆنگ آدام یاشایان بۇلسا دا اۇلارینگ اؤرأن آز سانیسی تۆرک.

گۆنۆمیزده آهیسکالی تۆرکلر اینگ کؤپ تۆرکیه، قازاغیستان، آذربایجان، روسیا، اؤزبگیستان، قیرغیزیستان، اوکراینا و آمریکادا یاشایار.

۷۵ ییل موندان اۇزال زۇر بیلن اؤز یورتلاری الیندن آلینان آهیسکالی تۆرکلر هنیز هم اؤز یورتلارینا قایتماغی آرزوو ادیأر.