سولینگن قیرغینچیلیغیندان ۲۴ ییل گچدی

آلمانیاداقی سولینگن هۆجۆمیندن ۲۴ ییل گچدی.

مونگا قارامازدان بو قیرغینچیلیق هنیزم تۆرک حالقینا بینجالیق بریأر و اونوتیلمایار.

۱۹۹۳-نجی ییل ۲۹-نجی مای دا داشاری یورتلیلارا دوشمانلیق ادن اتنیک پاراز بیر آلمان تۇپاری سولینگن شأهِرینده ۵ تۆرک رایاتینی اؤیلرینده اؤلدۆریپدی.

داشاری ایشلر وزیرلیگی شو گۆن میناسیبتلی بیانات چاپ اتدی.

بیاناتدا واقادان ۲۴ ییل گچمه گینه قارامازدان، بو قیرغینچیلیغینگ تۆرک حالقینا بینجالیق بریأندیگی و اونوتیلماندیغی بیلدیریلیدی.

تۆرکیأنینگ داشاری ایشلر وزیرلیگی نینگ بیاناتیندا؛

"سۇنگقی دؤوۆرده ایلایتادا گۆن باتار اوروپادا قینانچ بیلن اتنیک پارازلیق، داشاری یورتلیلارا قارشی دوشمانلیق و اسلاموفوبیانینگ یۇقارلاندیغینی گؤریأریس. سولینگن قیرغینچیلیغینا منگزش واقالارینگ ینه بیر گِزِک بۇلمازلیغینی آرزوو ادیأریس. شیله یاغدایلارا ایزی گیدرلی یاغدایدا دوش گلینیأن یورتلارداقی سیاساتچیلار باشدا بۇلماق بیلن، عالیملار و مدیا وکیللرینی بیری بیرینه دۆشۆرن توتوملاردان اوزاق، جبیسلیگی یۇقارلاتجاق سؤزلری بیان اتمأگه چاغیریاریس"

دییلیأر.