احمد داووداوُغلو کیمدیر؟
تۆرکیأنینگ تۆرکمن آصیللی باشوزیرینی تانایلینگ
عادالات و اؤسۆش پارتیاسینینگ (حزبینینگ) باشینا گچن و اؤنگۆمیزدأکی گۆنلرده باشوزیر حرکمۆنده اؤز ایشینه باشلاجاق احمد داووداوُغلی ۱۹۵۹-نجی ییلینگ ۲۶-نجی فِورالیندا (فوریهسینده) قونیه ولایاتینینگ داشکنت اوُباسیندا دۆنیأ گلدی.
توُروس داغلارینینگ اِتهگینده بیر یؤرۆک تۆرکمن اوُباسی بوُلان داشکنت (تاشکند) اوُباسیندا دۆنیأ گؤزۆنی آچان احمد داووداوغلونینگ ۴ یاشینداقا انهسی آرادان چیقار. اوُنی اؤوِی اِجهسی صفورا حانیم اولالدار.
دأدهسی محمت آغا ایستامبولا گؤچر. و احمد داووداوغلی چاغالیغینی و یاشلیغینی ایستامبولدا گچیرر.
بوُغازایچی بیلیمیوردوندا سیاسات بیلیمی و حالقارا قاتناشیقلار بیلن ایقدیصادیهت بؤلۆملرینی قوتاران داووداوغلو سیاسات بیلیمینده دکترا اوُقار.
۱۹۸۴-نجی ییلدا ساره حانیم بیلن طوُی ادر. ساره حانیم زنانالار دکتریدیر.
صفورا، ممنونه، محمد و هاجربیکه آدیندا دوُرت چاغاسی بوُلان احمد داووداوُغلینینگ ایکی قیزینا انهسی و اؤوِی اجهسینینگ آدینی برر.
داووداوغلی ۱۹۹۰-نجی ییلدا مالزیاداقی حالقارا اسلام بیلیمیوردوندا موغاللیم حؤکمۆنده ایشلهمأگه باشلار.
۱۹۹۵-۱۹۹۹-نجی ییللاری آرالیغیندا ایزمیردأکی مارمارا بیلیمیوردونینگ حالقارا قاتناشیقلار بؤلۆمینده درس برن احمد داووداوُغلی ۱۹۹۹-۲۰۰۴-نجی ییللاری آرالیغیندا دا بـِیکنت بیلیمیوردوندا درس برر.
پروفسور دکتر احمد داووداوُغلی تۆرکیأنینگ شو واغتقی جمهورباشلیغی عبدالله گۆل داشاری ایشلر وزیریکأ اوُنونگ گِنگهشچیسی بوُلار. عبدالله گۆل باشوزیر بوُلاندا ینه اوُنونگ گِنگهشچیسی بوُلار.
عادالات و اؤسۆش پارتیاسیندان مجلیس وکیلی حرکمۆنده پارلامانا گیرن احمد داووداوُغلی ۲۰۰۹-نجی ییلینگ مای آیینینگ بیرینده باشوزیر أردوُغانینگ تِکلیبی بیلن تۆرکیأنینگ داشاری ایشلر وزیری بوُلار.
۵۵ یاشینداقی تۆرکیأنینگ تأزه باشوزیری احمد داووداوُغلینینگ یازان اینگ مؤهۆم کیتابی بوُلسا "استراتژیک چونگلوق"
بو کیتاپ چاپ ادیلن ایلکینجی ییلیندا ۱۳ گِزِک یانگاداندان چاپ ادیلدی.
اؤزۆنی بیر یؤرۆک تۆرکمن حؤکمۆنده تانادان احمد داووداوُغلی آتالارینینگ حوُراساندان گؤچۆپ گِلِندیگینی آیدیار.
دِگیشلی حابارلار
قفقاز قارتالی تۆرگِنلهشیگی قوتاردی
اۆستۆنلیکلی یاغدایی گچن تۆرگِنله شیک ده بۆتین وظیپه لر یرینه یتیریلدی و تۆرگِنله شیک قوتاردی
قاسیم جوُمارت توُقایف گۆن اوُرتا کره نینگ یوُلباشچیسی بیلن دوشوشدی
گۆن اوُرتا کره نینگ جمهورباشلیغی یون سوک یوُل دؤولت ساپاری بیلن قازاغیستان دا ساپاردا بوُلدی