موصل داعش‌ینگ کنترلیندا

عیراق دارتغینلاشیار.
موصل‌دا گؤزِگچیلیگی دۇلولیغینا الینه آلان عیراق شام اسلام دؤولتی قوراماسی هۆجۆملرینی دۇوام اتدیریأر.
ترور قوراماسی دوزخورماطوداقی 2 تۆرکمن اۇباسیندا دا گؤزِگچیلیگی اله گچیرِندیگینی حابار بردی.
پلیس‌ینگ و حاربی قُشونینگ 25 مۆنگ تۆرکمن‌ینگ یاشایان 2 اۇباسیندان چیقاندیغی مألیم ادیلدی.
چاقنیشیقلار عیراغینگ أهلی شأهِرلرینده ده دۇوام ادیأر.
تلعفرده دارتغینلیق دۇوام ادیأن بۇلسا، عیراغینگ کۆرت اؤزباشداق بؤلگه‌سی سلیمانیه شأهِرینده حۇوپسوزلیق گۆیچلری‌نینگ هۆجۆم قورالما أحتیماللیغینا قارشی طایارلیقلیدیغی نیغتالیار.
بیرلِشِن میللتلر قوراماسی، اوروپا بیله‌له‌شیگی و عاراپ بیله‌له‌شیگی یالی قورامالاردان کؤمِک سۇران عیراغینگ باش‌وزیری نوری المالکی موصلد‌دا عاداتدان داشاری یاغدای، کرکوک‌دا بۇلسا داشاری چیقماغینگ قاداغانلیغینی ایغلان اتدی.
120 تۆرک ایشچی بیلن بیرلیکده مۆنگلرچه آدام دهوک و اربیل شأهِرلرینه سیغینماغا دۇوام ادیأر.
چاقنیشیقلارینگ دۇوامیندا موصل‌دا بۇلان 28 تۆرک سۆرۆجی‌نینگ یاغدایی تۆرکیأنی یاقیندان قیزیقلاندیریار.
واقانینگ دۇوامیندا صربیستان‌ینگ باش‌شأهِری بلگراددا بۇلان تۆرکیأنینگ داشاری ایشلر وزیری احمد داووداۇغلی بیرنأچه تلفن صؤحبِتدشلیگینی گچیردی.
داووداۇغلی "بیز اۇلارینگ قیسغا واغتدا حالاص ادیلمه‌گی، یورتلارینا دۇلانیپ گلمه‌کلری اۆچین گۆیچلی تاغاللا ادیأریس. دگیشلی باشلانغیچلار ادیلدی. یاغدایلارینگ قۇویدیغی حابار بریلدی" دیدی.
تۆرکیأنینگ باش‌وزیری رجب طیب أردۇغان هم مسئلأنی آرا آلیپ ماصلاحاتلاشماق اۆچین بؤلگه‌ده آنیق ماغلوماتا قاراشیاندیقلارینی آیتدی.