اۇغوز یورتلاری‌نینگ وزیرلری دوشوشدی

تۆرکیه، آذربایجان و تۆرکمنیستان‌ینگ داشاری ایشلر وزیرلری آذربایجان‌ینگ باش‌شأهِری باکودا دوشوشدی.
دوشوشیقدان سۇنگ بریلن بیاناتدا اۆچ یوردونگ بیری بیریلری‌نینگ قاراشسیزلیغیما و تۇپراق بیتِولیگینه صارپا قۇیاندیقلاری بیلدیریلدی.
دوشوشیقلاردان سۇنگ مطبوغاتا بیانات برن تۆرکیأنینگ داشاری ایشلر وزیری احمد داووداۇغلی "الله بو اۆچ بایداغی دۆنیأنینگ هر یرینده بیله‌لیکده پاسیرداتسین" دیدی.
داووداۇغلی اۆچ یوردونگ ماصلاحاتیندا تۆرکمن تۆرکچه‌سی، آناتولی تۆرکچه‌سی و آذربایجان تۆرکچه‌سینده گۆرله‌شِندیکلرینی نیغتاپ "شو گۆن یونس امره، قاراجااۇغلان، نظامی گنجوی و ماغتیم‌قولی پیراغی‌نینگ ‌دا شات بۇلاندیغینا اینانیارین" دیدی.
تۆرکیأنینگ داشاری ایشلر وزیری "باشغا بیر دیلده گۆرلِه‌شمه‌دیک و هیچ قینچیلیق دا بۇلمادی. موندان سۇنگرا دا بو ایشی بیله دۇوام اتدیرریس" دییپ بِلله‌دی.
داووداۇغلی اۆچ اۇغوز اۆلکه‌سی‌نینگ داشاری ایشلر وزیرلری‌نینگ هر ییل ایکی گِزِک اۆشمه‌گینی ماقصات ادیدندیکلرینی بیلدیردی.