تۆرکیه دأکی آکادمیسین زنانالارینگ سانی اوروپادان یوُقاری

تۆرکیه ده زنانا آکادمیسین لرینگ سانی اوروپا و OECD یورتلاری نینگ اوُرتاچا زنانا آکادمیسین سانیندان یوُقاری بوُلدی.

تۆرکیه ده زنانا آکادمیسینلرینگ سانی 46.4 گؤتِریمه یتدی.

بو موقدار OECD یورتلاریندا اوُرتاچا 43 گؤتریم.

تۆرکیأنینگ بیلیم یورتلاریندا 7 میلیون 503 مۆنگ 181 اوُقووچی اوُقایار.

شوُلاردان 3 میلیون 879 مۆنگ 512 سانیسی قیز، 3 میلیون 623 مۆنگ 669 سانیسی ارکک اوُغلان.

تۆرکیه دأکی بیلیم یورتلاریندا 181 مۆنگ 498 موغاللیم و آکادمیسین بار.

شوُلاردان 97 مۆنگ 291 سانیسی ارکک، 84 مۆنگ 207-سی زنانا.

شیله لیک بیلن تۆرکیأنینگ بیلیم یورتلارینداقی آکادمیسینلرینگ 46.4 گؤتِریمی (%) زنانالار.

تۆرکیه ده زنانا آکادمیسینلر اینگ کؤپ ساغلیغی قوُراییش پوداغیندا ایشله یأر.

بو پوداقداقی زنانا آکادمیسینلرینگ سانی ارککلردن کؤپ.