ت. ر. ت ورلد انسانی فیلم فستیوالی نینگ بایراقلاری قوُوشوریلدی
تۆرکیأنینگ رادیو و تلویزیون قوراماسی ت. ر. ت تاراپیندان ت. ر. ت ورلد سیتزن انسانلیق فیلم فستیوالی گچیریلدی
تۆرکیأنینگ رادیو و تلویزیون قوراماسی ت. ر. ت تاراپیندان ت. ر. ت ورلد سیتزن انسانلیق فیلم فستیوالی گچیریلدی.
بایراقلار آراقاتناشیق اداراسی نینگ باشلیغی فخرالدین آلتون و ت. ر. ت نینگ باشلیغی محمد زاهد سوُباجی تاراپیندان بریلدی.
فخرالدین آلتون ت. ر. ت قوراماسینا میتندارلیق بیلدیردی و محمد زاهد سوباجی دا مدیادا انسانچیلیغا اساسلانیپ ایش آلیپ باریاندیقلارینی آیتدی.
ت. ر. ت نینگ یؤریته بایراغی دۆنیأنینگ قانایان یاراسی بوُلان غزه اۆچین بریلدی. بایراغی فلسطینلی ژیسیور احمد صالح آلمالی بوُلدی اِمما دابارا قاتناشیپ بیلمه دی.
آراقاتناشیق اداراسی نینگ باشلیغی آلتون ت. ر. ت نینگ "اؤزی، سؤزی انسان" گؤزیتیمی بیلن افیر سیاساتینی آلیپ باریاندیغی نینگ أهمیتینه اۆنس چکدی.
آلتون "بۆتین دۆنیأ ایقدیصادی دارتغینلیقلار، یوُقانچ کسللر، قیتچیلیق، اقلیم اۆیتگهمهگی و چاقنیشیقلار سبأپلی اؤرأن اۆیتگِهشیک دؤوۆردن گچیأر. چأره سیزلیک ایچرسینده بوُلان میلیونلارچا انسان بار. شوُل سبأپلی بو فستیوالینگ أهمیتلیدیگینی آیدیارین" دیدی.
تۆرکیأنینگ گلوبال مسئله لرده انسانچلیق مسئله سینه أهمیت برندیگینی و ت. ر. ت نینگ بو مسئله ده أهمیتلی قوُشانت قوُشیاندیغینی آیدان آلتون "ت. ر. ت ورلد سیتیزن انسانی فیلم فستیوالی نینگ گچیریلمه گی ده تۆرکیأنینگ بو مسئله دأکی پیکرینی گؤرکِزیأر" دیدی.
بو فستیوالا 370-دن کؤپ فیلم یۆز توتدی.
فستیوال دا مجاریستان دان آکوس کواکس بیرینجی بوُلدی.
ایران دان علیرضا کاظمی پور ایکینجی و کوزوودان سمیر کاراهودا اۆچۆنجی بوُلدی.
فلسطینلی رژیسیون احمد صالح بایراغینی آلماق اۆچین گلیپ بیلمه دی.