والیبال: تۆرک قیزلاری اوروپانینگ دا اینگ گۆیچلی والیبال توُپاری

تۆرکیأنینگ میللی والیبال توُپاری اوروپا یاریشلاری نینگ فینالیندا صربیستان توُپارینی ینگدی و بیرینجی گِزه ک آلتین مدال آلدی و اوروپادا قاهریمان بوُلدی.

تۆرک قیزلاری صرب قیزلارینی 3-2 حاسابی بیلن ینگدی.

تۆرکیأنینگ زنانالار میللی والیبال توُپاری بیرینجی و اۆچۆنجی ستده 27-25 و 25-22 حاسابی بیلن ینگیلدی اِمما ایکینجی، دؤردۆنجی و بأشینجی ستده 25-21، 25-22 و 15-13 حاسابی بیلن ینگیجی بوُلدی.

شیله لیک بیلن، میللتلر لیگینده دۆنیأده بیرینجی بوُلان تۆرک قیزلاری اوروپانینگ 2023 والیبال یاریشیندا دا بیرینجی بوُلدی.

تۆرکیأنینگ میللی والیبال توُپاری نینگ والیبالچیسی ملیسا وارگاس فینال یاریشیندا یکه باشینا 41 بال آلدی.

ادا اردم و زهرا گۆنش 15 بال آلدی و ابرار قاراقورت دا 13 بال آلدی.

تۆرکیه موندان اوُزال 2003 و 2019-نجی ییلدا دا فینالدا یاریشیپدی و کۆمۆش مدال آلیپدی.