قطر ۲۰۲۲: فینالینگ بیر آیاغی آرژانتین!

آرژانتین و لیونل مسی قطرده گچیریلیأن بۆتین دۆنیأ فوتبال یاریشی نینگ فینالیندا یاریشار.

یاریم فینال یاریشیندا، آرژانتین پنالتی دان لیونل مسی نینگ 34-نجی داقیقادا و خولیان آلوارز ینگ 39 و 69-نجی داقیقادا آغا اؤتۆرن گللاری بیلن کرواتلاری 3-0 حاسابی بیلن ینگدی.

آرژانتین ینگ بۆتین دۆنیأ فوتبال یاریشیندا بیرینجی بوُلماغینی دۆیشۆنده گؤریأن لیونل مسی ایندی بوُلسا  بو آرزووینا اؤرأن قوُلایلادی.

بیر گل اوران آرژانتینلی مسی، 3-نجی گل‌دا دا اؤزۆنینگ نأدرجه بیر چپر فوتبالچی بوُلاندیغینی گؤرکِزدی و برن پاسی بیلن فوتبال‌سؤیرلری گِنگ قالدیردی.

آرژانتین سوُنگقی گِزه ک 1986-نجی ییلدا دۆنیأنینگ اینگ اولی فوتبال یاریشیندا بیرینجی بوُلوپدی.

ایندی آرژانتین ینگ بیر گؤزی قطرینگ الخور شهریندأکی البیت استادیومیندا بوُلار.

شو گیجه البیت استادیومیندا آفریقانینگ و عاراپلارینگ بویسانجی بوُلان مراکش فرانسیا بیلن یاریشیار.

ینگیجی توُپار فوتبال دۆنیأسینده پاتشالیغینی ایغلان اتمه‌ک اۆچین آرژانتین بیلن یاریشار.