فوتبال: رئال مادرید قاهریمانلار لیگی نینگ فینالیندا اوُینار

اسپانیانینگ رئال مادرید توُپاری اوروپانینگ قاهریمانلار لیگی نینگ فینالینا آدینی یازدیرماق اۆچین ایکینجی گِزه ک منچسترسیتی توُپاری بیلن یاریشدی.

مادریدداقی یاریشدا ریاض محرزینگ گلی بیلن 1-0 ایزا قالان رئال مادرید، 90-نجی داقیقادا رودریگونینگ گلی بیلن نتیجأنی 1-1 اتدی.

رودریگو ینه 90+1-نجی داقیقادا توُپاری نینگ ایکینجی گلینی اؤتۆردی.

کریم بنزما بوُلسا 95-نجی داقیقادا پنالتیدان گل اوردی و شیله لیک بیلن رئال مادرید، پاریس شهرینده اوُینالجاق فینال یاریشینا آدینی یازدیریپ بیلدی.

قاهریمانلار لیگی نینگ فینال یاریشی شنبه گۆنی 28-نجی مای دا لیورپول بیلن رئال مادرید توپاری نینگ آراسیندا اوُینالار.