خرقه شریف سِرگیله‌نیأر

حضرت محمدینگ وصیتی بیلن اویس قرنی حضرتینه سوغات ادیلندیگی آیدیلان و تۆرکیه ده خرقه شریف آدی بیلن بیلینیأن کؤینِک ایکی ییل آرادان سوُنگرا یانگاداندان سرگیلِه‌نمأگه باشلادی.

خرقه شریف، دابارا بیلن خرقه شریف متجیدینده سرگیله‌نمأگه باشلادی.

دابارا ایستامبول ینگ ولایات حأکیمی علی یرلی قایا، ولایاتینگ مدنیت و سیاحاتچیلیق مۆدیری جوُشغون ییلماز و فاتیح ینگ اتراپ حأکیمی ده قاتناشدی.

قرآن کریم ینگ تلاوتی بیلن باشلان آچیلیش داباراسی دغالار بیلن دوُوام اتدی.

کروناویروس سبأپلی اوزاق واغتدان بأری زیارات ادیلیپ بیلینمه یأن خرقه شریف -ی گؤرمه ک ایسله یأن یورتداشلار ایر ارتیر بیلن نوُبا گیردی.

خرقه شریف 29-نجی آپریلا چنلی هپدأنینگ ایچینده ساغات 10- 18 آرالیغیندا و شنبه و یکشنبه گۆنلری ساغات 9-18 آرالیغیندا زیارات ادیلیپ بیلینر.

خرقه شریف متجیدی ایستامبول ینگ فاتیح محله سینده آق سِکی یوُلوندادیر.