زنیت 6- لکوموتیو مسکو 1: سردار آزمون-ی توتوپ بوُلمایار

سن پترزبورگ ینگ زنیت فوتبال توُپاری روسیانینگ سوپرلیگینده بیرینجی بوُلدی.

دۆین گیجه 6-1 حاسابی بیلن لکوموتیو مسکو توُپارینی ینگن زنیت، سوپرلیگینگ قوتارماغینا 2 هپده قالاندا 61 بال بیلن قاهریمان بوُلدی.

زنیت ینگ تۆرکمن فوتبالچیسی سردار آزمون بو یاریشدا ینه اؤزۆندن سؤز اتدیردی.

آزمون 39-نجی، 45+3-نجی و 46-نجی داقیقادا زنیت اۆچین 3 گل اوردی و اوران 19 گلی بیلن شو واغت روسیانینگ سوپرلیگینده اینگ کؤپ گل اوران فوتبالچی حاساپلانیار.

زنیت اۆچین آرتم زوبا 2 گل و مالکوم دا 1 گل اوردی.

لکوموتیو مسکونینگ یکه‌جه گلینی فرانسیس کامانو 56-نجی داقیقادا اوردی.

ایران ینگ میللی فوتبال توُپاریندا دا اوُینایان سردار آزمون اؤتن ییل آرتم زوبا بیلن بیله لیکده روسیانینگ سوپرلیگی نینگ اینگ کؤپ گل اوران فوتبالچیسی بوُلوپدی.

شو ییل بوُلسا سردار آزمون یکه باشینا بو اوُرونا ایه بوُلماق ایسله یأر.