تۆرکیه مجاریستان دان 412 تاریحی اثری ایزینا آلدی

تۆرکیه، 6 ییل اوُزال مجاریستان ینگ گۆمرۆگی تاراپیندان آنیقلانان 412 تاریحی اثری ایزینا آلدی.

تۆرکیأنینگ داشاری ایشلر وزیری مولود چاووش اوُغلی رسمی ساپار بیلن مجاریستان دا.

چاووش اوُغلی ایشدشی پتر سزیارتو بیلن دوشوشدی.

دوشوشیقدا تۆرکیأنینگ تاریحی اثرلری ایزینا بریلدی.

چاووش اوُغلی توییتردان برن بیاناتیندا،

"2015-نجی ییلدا مجاریستان دا ضبط ادیلن آناتولی دان بوُلاندیغی آنیقلانان تاریحی اثرلری مدنیت و سیاحاتچیلیق وزیریمیز محمت نوری أرسوُیا برمه ک اۆچین میللتیمیزینگ وکیلی حؤکمۆنده آلدیق. دوُست یورت مجاریستانا بو مسئله دأکی قوُلداوی اۆچین مینتدارلیق بیلدیریأریس" دیدی.

6 ییل اوُزال مجاریستان ینگ گۆمرۆگی روم دؤورۆنه دگیشلی کؤپ سانلی مرمردن هیکل، داش و آغاچدان هیکللر و دۆرلی سکه لری ضبط ادیپدی.

مدنیت و سیاحاتچیلیق وزیرلیگی بو تاریحی اثرلرینگ ایزینا قایتاریلماغی اۆچین حرکت باشلادیپدی.

بو تاریحی اثرلر آنکاراداقی مدنیت موزه سینده گؤرکِزیلر.