بیرینجی قیلیچ آرسلان ینگ قبری تاپیلدی

آناتولی داقی سلچوقلی پاتشالاردان 1-نجی قیلیچ آرسلان ینگ قبوری دیاربکرینگ سیلوان شهرینده تاپیلدی.

دجله بیلیم یوردی نینگ عالیملاری، شو گۆنه چنلی نیره ده دیگی بیلینمه یأن 1-نجی قیلیچ آرسلان ینگ قبورینی تاپدی.

باغلار محله سینده ایکی قبرده قازوو آغتاریش ایشی آلینیپ باریلدی.

سلطان 1-نجی قیلیچ آرسلان حابور چاییندا بوُغولیپ شهیت بوُلوپدی.

سیلوان دا گؤمۆلِندیگی بیلینیأن سلچوقلی پاتشانینگ قبرینی تاپماق اۆچین کمیسیون قورولیپدی.

اوُرتاچشمه پارکینداقی قازوو آغتاریشدا ایکی قبرینگ بیری نینگ سلطان قیلیچ آرسلانا، بیله کیسی بوُلسا قیزی سعیده خانیما دگیشلی بوُلاندیغی آنیقلاندی.

1-نجی قیلیچ آرسلان آناتولی سلچوقلیلاری نینگ اساسلاندیریجسی بوُلان قوتامیش اوُغلی سلیمان شاه ینگ اوُغلی و آناتولی داقی سلچوقلیلارینگ ایکینجی سلطانیدیر.

1101-نجی ییلدا صلیبی لر بیلن بوُلان اوچ اورشیندا دا ینگیش قازانان قیلیچ آرسلان ایستامبول- سوریه یوُلونی هم بیزانسلیلار هم ده صلیبیلره یاپیپدی.

سلطان 1-نجی قیلیچ آرسلان میلادی 1107-نجی ییلینگ 14-نجی ژوئن آییندا آتی بیلن هابور آرناسیندان گچن ماحالی سوودا بوُغولیپدی.