ابراهیم ارن ت. ر. ت ورلد فوُروم حاقیندا ماغلومات بردی

تۆرکیأنینگ رادیو و تلویزیون قوراماسی نینگ باشلیغی ابراهیم ارن، ت. ر. ت ورلد فوروم دا همیشه بوُلشی یالی شو ییل دا دۆنیأنینگ گۆن ترتیبینه گلن مسئله لره قارالجاقدیغینی آیتدی.

ارن، "شو ییل پاندمی دن سوُنگراقی دۆنیأده حالقارا ترتیب- دۆزگۆن و اؤزگِرن دینامیکلر" ماضمونی بیلن 1-2-نجی دکابردا 4-نجیسی گچیریلجک ت. ر. ت ورلد فورومی میلله شدیرن ایلکینجی گۆنلرینده انسانی و وجدانی ایلری توتیان دۆشۆنجه بیلن گلوبال مسئله لره چؤزگۆت تکلیپ ادیأن حالقارا گپله شیک پلاتفرملاردان بیری بوُلماغی ماقصات ادیندیکلرینی بِللأپ گچن 3 ییلدا اوُنونگ عهده سیندن آرتیقماجی بیلن گلندیکلرینی بیان اتدی.

ت. ر. ت ورلد فوروم 2020-نینگ کروناویروس اپیدمیسی سبأپلی آنلاین گچیریلجکدیگینی آیدان ابراهیم ارن،

"گچن ییللاردا بوُلشی یالی شو ییل هم دۆنیأنینگ گۆن ترتیبی نینگ ایلری توتولیان مؤهۆم اوغورلاری سلجرمه گی ناظاردا توتیاریس. شوُل اوغورلارینگ سانیندا "پاندمی دؤورۆنده یایلیمینگ و مدیانینگ گۆیجی"، "گلوبال ساغلیق مسئله لرینده بیله لیکدأکی چؤزگۆتلر"، "ایش و بیلیم پوداغی نینگ گلجگی" و بو دؤوۆرده "انسان پرور کؤمِک" یالی ماضمونلار فورومدا آرا آلینیپ ماصلاحاتلاشیلجاق بؤلۆملری عمله گتیریأر" دیدی.

نیتلری نینگ و ماقصاتلاری نینگ بِللیدیگینی بیان ادن ت. ر. ت نینگ باشلیغی ارن، تۆرکیأنینگ یرله شیأن بؤلگه سینده و دۆنیأده بیرنأچه واغتدان بأری دوُوام ادیأن گؤزله گ تاپغیری نینگ باشدان گچیریلیأندیگینی نیغتادی.

ت. ر. ت نینگ باش مۆدیری ارن، "وب سایتیندا بِللیگه آلینانلارینگ أهلیسی اۆچین شو ییل هم آچیق اوُتورشیقلار، بیله کی پیکیر آلیشمالار و ویرچوال فویه گینگیشلیگی ال یترلی بوُلار. شوُل بیر واغتدا آجیق اوُتورشیقلاریمیز سوسیال مدیا حاساپلاریمیزدان توُماشا ادیلیپ بیلنر. گچن ییل 2 مۆگدن قوُوراق آدامینگ قاتناشماغیندا گچیریلن ت. ر. ت ورلد فوروما شو ییل ویرچوال شرطلرده حاص یوُقاری قاتناشیغینگ بوُلماغینی قاراشیلیار" دیدی.

ت. ر. ت نینگ ایه بوُلان شرطلری، مۆمکینچیلیکلری و تاپاووتلی قاراییشلاری بیلن گلوبال درجه ده سسلنمه دؤره دیأن مارکا اؤورۆلندیگینه اۆنسی چکن ارن، ایش یۆزۆنه گچیریأن تاسلامالاری و ماغلوماتلاندیریش کمپینلری بیلن تۆرکیأنینگ دؤولت یایلیم ارگانی حؤکمۆنده مدیا سریشده لری بیلن چمغیتی قیزیقلاندیریان اساسی میئله لره اۆنسلری چکمه گی، جمغیتی گۆیچلندیرمه گی اساسی بوُرچ حؤکمۆنده قابول ادیأندیکلرینی آیتدی.

ابراهیم ارن، ت. ر. ت نینگ حالقارا پلاتفرملارداقی ایشجنگلیگینی آدامزادا، پاراحاتچیلیغا، آبادانچیلیغا و عادالاتا حیذمات اتمه ک اۆچین دوُوام اتدیرمأگه آیراتین اولی أهمیت بریأندیکلرینی نیغتادی.