ابراهیم ارن ت. ر. ت نینگ تأزه یایلملاری نینگ اۆنسلری اؤزۆنه چکِندیگینی آیتدی

تۆرکیأنینگ رادیو و تلویزیون قوراماسی نینگ باشلیغی ابراهیم ارن، تأزه طایارلانان پروگراممالارینگ توُماشاچیلاردا اولی تأثیر قالدیراندیغینی آیتدی.

ارن آناتولی حابار سریشده سی نینگ حابارچیسینا تأزه یایلیم تاپغیری حاقیندا ماغلومات بردی.

ابراهیم ارن کروناویروس کِسِلی دؤورۆنده توُماشاچیلار و دینگله‌ییجیلر اۆچین تأزه ماضمونلی گپله شیکلری طایارلاندیقلارینی، تأزه یایلیملارینگ هم مِیلله شدیریلندیگینی نیغتاپ،

"تأزه تاپغیردا توماشاچیلاریمیزینگ قاراشیان تاریحی سریاللارینی یایلیما برریس. تاریحی سریاللارینگ ت. ر. ت ده اولی توُماشاچیسی بار. هم تۆرکیه ده هم ده دۆنیأده اولی صابیرسیزلیق بیلن قارشیارلار. شوُل سریاللار تأزه تاپغیردا باشلایار. بیرنأچه واغتدان بأری اۆستۆنده ایشله نیأن، حوُرماتلی اوِسونچیلاریمیز، موغاللیملاریمیز و آبرایلی رژیسیورلاریمیز بیلن ویدئویازغا دۆشۆریلیأن سریاللاریمیز بار. شولاردان ایلکینجیسی "اوُیانیش: بیک سلچوق دؤولتی". بو سریالیمیزدا حأضیرکی واغتا چنلی "دیره لیش أرطوغرول" سریالی بیلن ایه بوُلان توُماشاچیلاریمیزا بیک سلچوقلی دؤولیتی نینگ کؤشگی، دؤره دن مدنیتی حاقدا گینگیشلیه یین گۆررۆنگ بردیلر" دیدی.

یانوار آییندا بوُلسا "بارباروس" سریالی نینگ یالیما بریلجکدیگینی آیدان ارن "بیزینگ دنگیزچیلیک تاریحیمیز چونگگور. عاصیرلاردان گؤزباش آلیار. بارباروس خیرالدین باش توتان هم اوُروچ رئیس هم اوُنونگ اساسی آکتورلاریندان بیری. ایکی کاراکتر ده آق دنگیزینگ تۆرک گؤلۆنه اؤورۆلِن دؤورۆنینگ باش قاهریمانلاری. بارباروس بیلن دؤورۆمیزده پارالل ماوی واطانا منگزه ش، شوُل دؤوۆردأکی اؤز قاهریمانلاریمیزی توُماشا ادریس." دییپ بِلله دی.