عبدالله ارن: کؤنگۆلدن کؤنگله یوُل قوردیق

داشاری یورتلی تۆرکلر و قارینداش جمغیتلر (YTB) نینگ باشلیغی عبدالله ارن تۆرکیأنینگ بریأن بورسلاری بیلن کؤنگۆلدن کؤنگله یوُل قوراندیغینی آیتدی.

YTB-نینگ یر ایه چیلیگینده پایتاغت آنکارادا "9-نجی حالقارا اوُقووچی داباراسی" گچیریلدی.

عبدالله ارن بو دابارادا برن بیاناتیندا YTB-نینگ حالقارا اوُقووچیلارینگ همیشه یانیندا بوُلاندیغینی آیتدی.

ارن،

"تۆرکیه حؤکمۆده سیزدن مادی تایدان بیر زادا قاراشمایاریس. بیز بو بورسلار بیلن کؤنگۆلدن کؤنگله بیر یوُل قوردیق" دیدی.

شو ییل اوُقووینی تاماملان 2 مۆنگ 500 طالیپ و تۆرکیه ده اوُقووینی قوتاران دۆنیأنینگ دۆرلی یورتلارینداقی 150 مۆنگدن کؤپ اوُقووچا یۆزلِه‌نن عبدالله ارن،

"بیز سیزدن شونی حاییش ادیأریس، بیرینجیسی اوُقووینگیز قوتاراندان سوُنگ ماشغالا و اؤز یورتلارینگیزا پیدالی بوُلونگ. ایکینجیسی تۆرکیه و یورتلارینگیز آراسینداقی قاتناشیقلارا قوُشانت قوُشونگ. اۆچۆنجیسی ده تۆرکیأنینگ گلوبال عادالات و وجدان گؤره‌شینه مِیله‌تین قوُلداو بوُلونگ. سیز تۆرکیأنینگ سوسیال تاریحیندا یرینگیزی آلدینگیز. موندان بیلأک تۆرکیه سیزینگ ایکینجی واطانینگیز. تۆرکیه ده همیشه سیزه قاراشیاریس" دیدی.

ارن اوُقووی قوتارانلارینگ 30 یورتدان 150-دن کؤپ آغضاسی بوُلان تۆرکیه ده اوُقووی قوتارانلارینگ جمغیتچیلیگینه آغضا بوُلماقلارینی ایسله دی.

بیلیم یورتلارینی یوُقاری درجه بیلن تاماملان 11 اوُقووچا دا بایراق بریلدی.

سوُنگرا بوُلسا دابارا قاتناشان اوُقووچیلار تلپه‌کلرینی زینگدی.

دابارادا موزیک چالیندی و ناهار بریلندن سوُنگ اوُقووچیلار ماشغالالارینا اؤز ویدئولارینی ایبردی.