ایلکینجی بۇسنیاچا- تۆرکچه سؤزلۆک یانگاداندان چاپ ادیلدی

بۇسنیالی عالیم محمد هوائی اسکوفی نینگ ۱۸۳۱-نجی ییلدا یازان ایلکینجی تۆرکچه- بوسنیاچا سؤزلۆگی – مقبول عارف- (پوتر شاهیدی) ایستامبول ینگ توزلا شهر حأکیملیگی تاراپیندان تأزه دن چاپ ادیلیپ بوسنیاداقی توزلا شهرینه سۇوغات ادیلدی.

توزلا شهر حأکیملیگی نینگ "ایکی توزلانینگ دۇغانلیق پروژه سی" دییلن پروگرامماسی اۆچین ۳۰۰۰ نوسحادا چاپ ادیلن کیتابینگ ۲۰۰۰ نوسحاسی بوسنیاداقی توزلا شهرینه باغیشلاندی.

توزلا شهرینده گچیریلن دابارا تۆرکیأنینگ بوسنیاداقی ایلچیسی خلدون قوچ بیلن بیله لیکده تۆرکیه دن گلن توزلانینگ ولایات و شهر حأکیمی و پلیس مۆدیری و توزلانینگ تعلیم تربیه مۆدیری قاتناشدی.

خلدون قوچ بو دابارادا پروژه نینگ ایکی یوردونگ آراسینداقی چونگقور تاریحی و مدنی قاتناشیقلاری نینگ نتیجه سی بۇلاندیغینی آیتدی.