تۆرکیهده بیلیم آلیان داشاری یورتلی اۇقووچیلارینگ قوتاردیش داباراسی گچیریلیأر
دابارا تۆرکیأنینگ جمهورباشلیغی قاتناشیار
آنکارادا داشاری یورتلی اۇقووچیلارینگ قوتاردیش داباراسی تۆرکیأنینگ جمهورباشلیغی رجب طیب أردۇغان ینگ قاتناشماغیندا گچیرلر.
داشاری یورتلارداقی تۆرکلر و قارینداش حالقلار اداراسی نینگ دۆنیأنینگ دؤرت کۆنجِهگیندأکی یاشلارا تۆرکیه ده بیلیم آلماقلاری اۆچین اولی مۆمکینچیلیک هؤدۆرلِهیأر.
داشاری یورتلارداقی تۆرکلر و قارینداش حالقلار اداراسی تاراپیندان هر ییل ایزی گیدرلی یاغدایدا گچیریلیأن داشاری یورتلی طالیپلارینگ قوتاردیش داباراسی نینگ ۸-نجیسی شو گۆ تۆرکیأنینگ جمهورباشلیغی رجب طیب أردۇغان ینگ قاتناشماغیندا آنکارانینگ سؤودا پالاتاسینا دگیشلی کنگرزیوم دا گچیرلر.
سۇنگقی ییللاردا بیلیم مرکزینه اؤورۆلن تۆرکیه، داشاری یورتلارداقی تۆرکلر و قارینداش حالقلار اداراسی نینگ "تۆرکیه بورسلاری" ماقصاتناماسی بیلن دۆنیأنینگ دؤرت تاراپیندانقی یاشلارا تۆرکیه ده بیلیم آلماق اۆچین اولی مۆمکینچیلیک دؤرهدیأر.
تۆرکیه دأکی دۆرلی بیلیم یورتلاریندا یۇقاری بیلیم آلان داشاری یورتلی طالیپلار بۇلسا قوتاردیش داباراسیندان سۇنگ یورتلارینا قایدیار و جمغیتلری نینگ قالقینیشینا قۇشانت قۇشیار.
داشاری یورتلارداقی تۆرکلر و قارینداش حالقلار ادراسی (YTB)، تۆرکیه ده آلان یۇقاری بیلیملرینی تاماملاپ یورتلارینا قایدان اوچروملار (فارغ التحصیللر) بیلن یاقیندان آراقاتناشیق ساقلایار.
دۆنیأنینگ دؤرت تاراپیندا اوچروملارینگ دوشوشیقلارینی گچیریپ، یورتلاری نینگ آراسینداقی سیاسی، مدنی، ایقدیصادی و سؤودا قاتناشیقلارینگ اؤسمهگینه قۇشانت قۇشیار.
تۆرکیأنینگ میلهتین (داوطلب) ایلچیلری بۇلان "تۆرکیه اوچروملاری" هم ۱۶۰ یورتدا ۱۵۰ مۆنگه قۇلای آغضاسی بیلن اولی ماشغالانی عمله گتیریأر.
دِگیشلی حابارلار
ایزمیره ایکی کروز گأمیسی مۆنگلرچه توریست گتیردی
شو ییل تۆرکیأنینگ اسکله لرینه 2 میلیوندان کؤپ سیاحاتچی نینگ گلمه گینه قاراشیلیار
تهران دا تۆرک و ایرانلی کیتاپچیلار دوشوشدی
دابارا تۆرکیأنینگ تهران داقی ایلچیسی دکتر حجابی قیرلانقیچ قاتناشدی