مسعود اؤزیل آلمانیا میللی فوتبال تۇپاری نینگ کؤینِگینی چیقاردی
اؤزیل آلمانلارینگ اتنیک پارازلیغینی تانقیت اتدی
تۆرک آصیللی آلمان فوتبالچی مسعود اؤزیل آلمانیانینگ میللی فوتبال تۇپاری نینگ کؤینِگینی چیقاردی.
مسعود اؤزیل اؤز شخصی حاسابیندان برن بیاناتیندا ۲۰۰۹-نجی ییلدان بأری ۹۳ گِزِک میللی تۇپار اۆچین اۇیناندیغینی و ۲۳ گل اوراندیغینی یازدی.
آلمانیا میللی فوتبال تۇپاری بیلن ۲۰۱۴-نجی ییلدا بۆتین دۆنیأ فوتبال یاریشیندا قاهرامان بۇلان و ۲۰۱۰-نجی ییلدا اۆچۆنجی بۇلان مسعود، آلمانیاداقی اتنیک پارازلیغی (نژادپرستینی) تانقیت اتدی.
اؤزیل،
"اتنیک پارازلیق و حۇرماتسیزلیغا سزه ور بۇلانیمی پیکیر ادن ماحالیم موندان بیلأک آلمانیانی وکیلچیلیک ادیپ بیلمهرین. آلمانیانینگ کؤینگینی بویسانچ بیلن گییأردیم ولین موندان بیلأک شۇل بویسانجی اؤزۆمده گؤرمهیأرین. شیله بیر زادی دۆشۆنمهک اؤرأن قیندی چۆنکی تۇپارداقی دۇستلاریم، تعلیمچیلریم و آلمان حالقی اۆچین هر زادیمی بردیم. اِمما آلمانیانینگ فوتبال فدراسیونی نینگ یۇقاری جۇغاپکأرلری نینگ تۆرک آصلیما حۇرمات قۇیمازلیقلاری و منی سیاسی پروپاگاندا اۆچین اولانماقلاری منی چیداپ بۇلماجاق یاغدایا گتیردی. من شو زاتلار اۆچین فوتبال اۇینامایارین. عادالاتسیزلیغی و کِسهکی یالی گؤرۆلمهگی هیچ هاچان قابول ادیپ بیلمهرین" دیدی.
۲۹ یاشینداقی فوتبالچی تۆرکیأنینگ جمهورباشلیغی رجب طیب أردۇغان بیلن دوشوشاندان سۇنگ اؤزۆنینگ و بیله کی تۆرک آصیللی المان فوتبالچی ایلکآی گۆن دۇغان –ی سایلاو کمپینی اۆچین ایشلأندیگینی اؤنگه سۆرن آلمانیانینگ فوتبال فدراسیونی نینگ باشلیغی رینهارد گریندل- ی تانقیت اتدی.
