تۆرکیه سریال ساتوویندا دۆنیأده ایکینجی یرده

تۆرک سریاللاری بۆتین دۆنیأده گؤرکِزیلیأر.

ایندی تۆرکیه سریاللارینی حیتای، ژاپن و هیندیستان یالی یورتلارا دا ساتماغا طایارلانیار.

سریال ساتووی بازاری نینگ اؤرأن اولی بۇلاندیغی و سریاللارا طالاپ بۇلاندیغی حابار بریلدی.

تاریحی گچمیشی و مدنی بایلیغی بیلن اۆنسلری اؤزۆنه چکن تۆرکیه، سریاللارینی دا داشاری یورتلارا ساتیار.

دۆنیأده سریال ساتوویندا آمریکا بیرینجی اۇرونی ایه له یأر، تۆرکیه بۇلسا ایکینجی یرده دوریار.

تۆرکیه دن سۇنگرا برزیلیا و مکزیک سۇنگراقی اۇرونی ایه له یأر.

تۆرک سریاللاری لاتین آمریکادا، برزیلیا، آرژانتین، پرو و اوروگوئه ده ده گؤرکِزیلیأر.

تۆرکیه ییلدا ۲۵۰ میلیون دلار بو پوداقدان گیردجی قازانیار، اِمما صاپلانمادیق گیردجی ۷۵۰-۸۰۰ میلیون دلار.

سریاللارینگ داشاری یورتلاردا گؤرکِزیلمه گی سیاحاتچیلیغا دا یارایار.

شو واغت تۆرک سریاللاری ۱۰۰ یورتدا گؤرکِزیلیأر.

تۆرکیه ۲۰۲۳-نجی ییلدا ۱ میلیارد دلار دگأرینده سریال ساتماق ایسله یأر.