لهستان: روسیا بیزدن قوُرقمالی‌دیر
سیکورسکی "گۆن باتار دأل، پوتین ینگ چاقنیشیقدان ساقلانماغی گره‌ک" دیدی
لهستان ینگ داشاری ایشلر وزیری رادوسلاو سیکورسکی روسیا بیلن ناتونینگ آراسینداقی ساواشدا مسکو دوُلانشیغی نینگ حؤکمأن ینگیلجکدیگینی آیتدی.
سیکورسکی لهستان ینگ مجلیسی نینگ آشاققی پارلمانیندا برن بیاناتیندا "گۆن باتار حؤکمۆنده بیز دأل، پوتین ینگ چاقنیشیقدان ساقلانماغی گره‌ک" دیدی.
لهستانلی وزیر "مونی یاتلاتماق ایسله یأرین، اِمما روسلارینگ اؤزلرینی اولی تهدیت آستیندا حس اتمه گی اۆچین دأل. ناتو بیر قوُرانماق قوراماسیدیر. ماقصات روسیا فدراسیونی ناتونینگ بیر آغضاسینا هۆجۆم ادن واغتیندا، شوُنونگ (مسکونینگ) حؤکمأنی یاغدایدا ینگیلجه‌کدیگینی گؤرکِزمه‌کدیر" دیدی.
سیکورسکی روسیانینگ حاربی و ایقدیصادی پتانسیلی نینگ گۆن باتارینگ پتانسیلیندن آشاقدا بوُلاندیغینی آیتدی و ناتونینگ عسگر سانی نینگ و هوُوا گۆیچلری نینگ روسیانینگ عسگر و هوُوا گۆیچلری نینگ 3 باراباری بوُلاندیغینی آیتدی.
رادوسلاو سیکورسکی ناتونینگ گأمی سانی نینگ دا روسیانینگ گأمیلریندن 4 اِسسه یوُقاری بوُلاندیغینی بیلدیردی و پوتین ینگ یکه‌جه اومیدی نینگ بوُلاندیغینی یاتلادیپ "اونونگ یکه جه اومیدی ناتونینگ قارارسیز بوُلماغیدیر" دیدی.
