علی أرباش: مسلمان دؤولتلر چؤزگۆت اۆچین تاغاللالارینی یوُقارلاتمالی
أرباش سعودی عربیستان ینگ یر ایه چیلیگینده ریاض دا گچیریلن و 50 مسلمان اۆلکأنینگ بیلیم آداملارینی بیر یره اۆیشۆرن ماصلاحاتا قاتناشدی
تۆرکیأنینگ دیانت ایشلری نینگ باشلیغی علی أرباش مسلمان دؤولتلری مظلوم جغرافیالارینگ مسئله لرینی چؤزگۆده قوُوشورماق اۆچین موندان کؤپ تاغاللا اتمأگه چاغیردی.
أرباش سعودی عربیستان ینگ یر ایه چیلیگینده ریاض دا گچیریلن و 50 مسلمان اۆلکأنینگ بیلیم آداملارینی بیر یره اۆیشۆرن ماصلاحاتا قاتناشدی.
ماصلاحاتدا اسلام امتی نینگ بیرلیگی، فلسطین و غزه ده بوُلیان اولی ظلم، دینه حوُرمات قوُیولماغی، اسلاموفوبیا و اسلاما دوشمانچیلیغا قارشی جبیس حرکت اتمه ک یالی مسئله لر حاقیندا گنگه شیلدی.
علی أرباش ماصلاحاتدا ادن چیقیشیندا، فتنه، تفرقه و دارتغینلیغا سبأپ بوُلیان توتوملاردان و تکفیری توتوملاردان اوزاق دورولمالیدیغینی آیتدی.
مسلمانلارینگ جبیسلیک و بیرلیگی نینگ أهمیتینه اۆنس چکن أرباش "مسلمان دؤولتلر باشدا فلسطین و غزه دأکی دوُغانلاریمیزینگ قینچیلیقلاری بوُلماق بیلن مظلوم جغرافیالارینگ مسئله لرینی چؤزگۆده قوُوشورماق اۆچین موندان دا کؤپ ایش آلیپ بارمالی" دیدی.
