پأکیستان دا پارلمان سایلاوی گچیریلر

پأکیستان دا 8-نجی فورال دا (فوریه ده) پارلمان و ایالت سایلاوی گچیرلر.

سایلاودا 17 مۆنگ 816 دالاشگأر وکیل بوُلماق اۆچین یاریشیار.

بولاردان 11 مۆنگ 785 سانیسی قاراشسیز، 6 مۆنگ 31 سانیسی بیر حزب تاراپیندان سایلاوا قاتناشیار.

پأکیستان دا 150 حزب (پارتیا) سایلاوا قاتناشار.

128 میلیون 585 مۆنگ 760 آدام سایلاودا سس بریپ بیلیأر.

پأکیستان ینگ اوُزالقی باش وزیری نواز شریف ینگ حزبی پأکیستان مسلم لیگ- نواز و بیلاوال بوتو زرداری نینگ یوُلباشچیلیغینداقی پأکیستان ینگ حالق پارتیاسی سایلاوا قاتناشیان ایکی گۆیچلی حزب.

نواز شریف 4-نجی گِزه ک باش وزیر بوُلماق اۆچین یاریشیار.

36 یاشینداقی اوُزالقی داشاری ایشلر وزیری زرداری دا شریف ینگ اینگ گۆیچلی بأسده‌شی.

پأکیستان دا سوُنگقی سایلاو 2018-نجی ییلینگ ژوئیه آییندا گچیریلیپدی.

شوُل سایلاودا عمران خان ینگیجی بوُلوپدی.

پأکیستان ینگ پارلمانی 2022-نجی ییلینگ 10-نجی آپریل گۆنۆنده اینام سس بریلشیگینده عمران خان ینگ حؤکۆمتینه اینام بیلدیرمأپدی.