پأکیستان دا آلتی پلیس اؤلدۆریلدی

پأکیستان ینگ خیبر پختونخوا ایالتینده چاغالارا سانجیم ایشینی آلیپ باریان پلیسلارا بمبالی هۆجۆم قورولدی.

هۆجۆمده 6 پلیس اؤلدی، 23 پلیس یارالاندی.

ایالتینگ باجور شهرینده چاغالارا فلجه قارشی واکسن اوریانلاری قوُرایان پلیسلارینگ ماشینینا هۆجۆم قورولدی.

هۆجۆمده 6 پلیس اؤلدی، 23 پلیس یارالاندی.

پأکیستان ینگ واغتلایین حؤکۆمتی نینگ باش وزیری انورالحق کاکر هۆجۆمی برک یازغاردی و واکسیناسیونینگ دوُوام اتجکدیگینی آیتدی.

پأکیستان ینگ طالیبان توُپاری هۆجۆمینگ جوُغاپکأرچیلیگینی قابول اتدی.

بو توُپار واکسیناسیونینگ "گۆن باتار یورتلار تاراپیندان چاغالاری قیسیرلاشدیرماق اۆچین" اولانیلیاندیغینی اؤنگه سۆریأر.

پأکیستان دا 1994-نجی ییلدا چاغا فلجی کِسِلینه قارشی واکسیناسیون باشلادیلدی.

شوُل واغتلاردا ییلدا 20 مۆنگ چاغا فلج بوُلیاردی. واکسیناسیوندان سوُنگرا 2017-نجی ییلدا بو سان 8 سانینا یتدی.