گوترش: غزه ده حالقارا حقوغا آچ-آچان أسگِرمِزچیلیک ادیلدی
ایسرائیل تاراپیندان حوُوپسوز ایغلان ادیلن غزه نینگ گۆن اوُرتاسی نینگ بمبالانماغینی و یؤنه کی یاشاییجیلاری هۆجۆم اۆچین اولانماغی یازغاردی
بیرلشن میللتلر قوراماسی نینگ عمومی یازمانی آنتونیو گوترش غزه ده حالقارا حقوق دۆزگۆنلرینه ادیلن آچ آچان أسگرمِزچیلیگه قینانچ بیلدیردی.
ایسرائیل بیلن حماس ینگ آدینی گتیرمه یأن گوترش، ایسرائیل تاراپیندان حوُوپسوز ایغلان ادیلن غزه نینگ گۆن اوُرتاسی نینگ بمبالانماغینی و یؤنه کی یاشاییجیلاری هۆجۆم اۆچین اولانماغی یازغاردی.
گوترش "یؤنه کی و یاراغسیز یاشاییجیلاری قوُراماق هر یاراغلی چاقنیشیقدا بیرینجی أهمیتدهدیر. یؤنه کی یاشاییجیلاری قوُراماق اولاری قالقان حؤکمۆنده اولانماق دألدیر. بیر میلیون آدامی اؤیۆندن چیقاریپ قالیپ بیلجکلری یر، سوو، آذیق، درمان و یانغیچ بوُلمایان گۆن اوُرتا ایبریپ اوُل یری ده بمبالاماق دألدیر" دیدی.
گوترش "7-نجی اکتبر هۆجۆمی اؤزی اؤزۆندن بوُلمادی. فلسطن حالقی 56 ییلدان بأری دم آلیپ بوُلماجاق بیر اشغال آستیندادیر" دیدی.
ایسرائیل ینگ بیرلشن میللتلر قوراماسینداقی ایلچیسی، آنتونیو گوترش ینگ بو سؤزلریندن سوُنگرا اوُنونگ استعفا اتمه گینی یا دا اؤتۆنچ سوُراماغینی ایسله دی.
دِگیشلی حابارلار
ارمنیستان دا پاشینیان-آ قارشی یؤریشلر دوُوام ادیأر
ارمنیستان ینگ پایتاغتی ایروان دا ارمنی کلیساسی تاراپیندان گچیریلیأن یؤریش دوُوام ادیأر