شارل میشل: کسلحانانینگ اورولماغی سبأپلی کؤپ سانلی آدام اؤلدی
اورزلا فون در لاین واقا بیلن باغلانشیقلی هنیز ماغلومات آلماندیغینی آیتدی و جوُغاپ برمهکدن قاچدی
اوروپا بیله له شیگی نینگ گنگه شی نینگ باشلیغی شارل میشل (ایسرائیل ینگ غزه ده بیر کسلحانا ادن هۆجۆمینده) کؤپ سانلی آدامینگ اؤلِندیگینی آیتدی و شوُل یرده بوُلانلاینگ دراماتیک یاغدایی گؤرکِزیأندیگینی بیلدیردی.
میشل اوروپا بیله له شیگی نینگ یوُلباشچیلاری نینگ ایسرائیل- فلسطین چاقنشیغی بیلن باغلانشیقلی عاداتدان داشغاری ماصلاحاتیندان سوُنگرا اوروپا بیله له شیگی کمیسیونی نینگ باشلیغی اورزلا فون در لاین بیلن اوُرتاق مطبوغات گنگه شینی گچیردی.
اوروپا بیله له شیگی نینگ یوُلباشچیلاری نینگ ایسرائیل ینگ اؤزۆنی حالقارا حقوغا و حالقارا انسانی حقوغا گؤرأ قوُراماغا حاقی نینگ باردیغینی تاصصیقلاندیقلارینی آیدان شارل میشل، اوروپا بیله له شیگی نینگ ایکی دؤولتلی چؤزگۆده اینانیاندیقلارینی و فلسطین ینگ دوُلانشیغینا قوُلداو برمأگه دوُوام اتجکدیکلرینی بیلدیردی.
میشل غزه دأکی کسلحانا ادیلن هۆجۆم باراسیندا دا بو هۆجۆم سبأپلی کؤپ سانلی آدامینگ اؤلِندیگینی آیتدی.
شارل میشل "یؤنهکی اساسی قورلوشیقلارا هۆجۆم اتمهک حالقارا حقوغا گؤرأ دألدیر" دیدی.
اورزلا فون در لاین بوُلسا واقا بیلن باغلانشیقلی هنیز ماغلومات آلماندیغینی آیتدی و جوُغاپ برمهکدن قاچدی.
دِگیشلی حابارلار
ارمنیستان دا پاشینیان-آ قارشی یؤریشلر دوُوام ادیأر
ارمنیستان ینگ پایتاغتی ایروان دا ارمنی کلیساسی تاراپیندان گچیریلیأن یؤریش دوُوام ادیأر