ارمنیستان ینگ متساموُر اتمی مرکزی یاشاییجیلارینگ ساغلیغینی تِهدیت ادیأر

ارمنیستان ینگ متسامور اتمی دِسگاسی تؤوه‌رِگینده یاشایانلارینگ ساغلیغینا اولی تهدیت حؤکمۆنده گؤرۆلیأر.

تۆرکیأنینگ سرحدی نینگ قوُلاییندا بوُلان و یاشینی دوُلدوران بو اتمی مرکز ارمنیستان ینگ پایتاغتی ایروان ینگ 36 کیلومتر گۆن باتاریندا.

1976-نجی ییلدا آچیلان بو اتمی مرکز تۆرکیأنینگ سرحدیندن دینگه 16 کیلومتر داشدا.

تۆرک یاشاییجیلار بو اتمی مرکزینگ یاپیلماغی اۆچین تۆرکیأنینگ بیک میللت مجلیسینه یۆز توتدی.

تۆرکیأنینگ مجلیسی نینگ کمیسیونی بو ایسلِه‌گلری تۆرکیه دأکی دۆرلی قورامالارا ایبردی.

بارلاغ گچیرن تۆرکیأنینگ دِگیشلی وزیرلیگی و قورامالاری، ایغدیر شهرینده رادیاسیونا قارشی چالت یاغدایدا پلان قوردی و بو اتمی مرکزینگ ایغدیر ولایاتینا یتیریپ بیلجک یاراماز تأثیری حاقیندا بارلاغ گچیردی.

داشاری ایشلر وزیرلیگی تۆرکیأنینگ بیک میللت مجلیسینه متسامور اتمی مرکزی نینگ حالقارا اتم انرژیسی آژانسی تاراپیندان بارلاغ گچیریلیأندیگینی و کنترل ادیلیأندیگینی بیلدیردی.

بریلن ماغلوماتا گؤرأ متسامور اتمی مرکزی نینگ دسگالاری حالقارا اتم انرژیسی قوراماسی و اوروپا بیله له شیگی نینگ شرطلرینی یرینه یتیرمه یأر.

عاداتدان داشغاری یاغدایلار اۆچین ایغدیردا رادیولوژیک بارلاغلار گچیریلیأر.

متسامور اتمی مرکزیندأکی ایکی رآکتور 1988-نجی ییلداقی اسپیتاک یر تیتره مه سیندن سوُنگرا یاپیلیپدی.

اِمما رآکتورلاردان بری تأزه له نیپ 1995-نجی ییلدا یانگاداندان ایشینه باشلاپدی.

بو رآکتورینگ عؤمری 2005-نجی ییلدا قوتارسا دا 2021-نجی ییلداقی تعمیر بیلن 2026-نجی ییلا چنلی ایشینه دوُوام ادر.

تۆرکیه، شوروی دؤورۆنده سالینان بو رآکتورینگ یاپیلماغی اۆچین حالقارا اتم انرژیسی قوراماسینا یۆز توتوپدی.