پوتین: ارمنیستان قاراباغ ینگ آذربایجانا دگیشلی بوُلاندیغینی قابول اتدی
ولادیمیر پوتین: ارمنیستان ینگ باش وزیری نیکول پاشینیان بیلن هیچ بیر جدلیمیز یوُق
![پوتین: ارمنیستان قاراباغ ینگ آذربایجانا دگیشلی بوُلاندیغینی قابول اتدی](http://cdn.trt.net.tr/images/xlarge/rectangle/7d61/c7e2/f30c/64e8481df3395.jpg?time=1715311151)
روسیانینگ جمهورباشلیغی ولادیمیر پوتین ارمنیستان ینگ دوُلانشیغی نینگ آذربایجان ینگ قاراباغ اۆستۆندأکی اؤز ایغتیارلیلیغینی قابول ادندیگینی آیتدی.
پوتین ارمنیستان ینگ آمریکا بیلن گچیریأن تۆرگِنله شیگیندن سوُنگرا، ارمنیستان ینگ اوزاق واغتدان بأری حیذماتداشی بوُلان روسیا بیلن باغلارینی قوُپاراندیغی باراداقی سؤزلرینگ چئن بوُلماندیغینی آیتدی.
پوتین "ارمنی دوُلانشیق چکیانینگ پایتاغتی پراگ دا امضا ادن سندینده 1991-نجی ییلداقی سرحتلری قابول ادندیکلرینی آیدیپ قاراباغ ینگ آذربایجان ینگ بیر پارچاسی بوُلاندیغینی قابول اتدی" دیدی.
روس یوُلباشچی "اگر ارمنیستان آذربایجان ینگ قاراباغ اۆستۆندأکی حاقینی تانان بوُلسا قاراباغ ینگ یاغدایی حاقیندا گۆررۆنگ اتمه ک ماغناسیزدیر. قاراباغینگ یاغدایی ایروان ینگ اؤز تاراپیندان بِلله ندی" دیدی.
ارمنیستان بیلن هیچ حیلی مسئله سی نینگ بوُلماندیغینی آیدان پوتین "ارمنیستان ینگ باش وزیری نیکول پاشینیان بیلن هیچ بیر جدلیمیز یوُق. اوُنونگ بیلن همیشه دوشوشیق گچیریأریس" دیدی.
ایروان، مسکونینگ هم ارمنیستان هم ده داغلیق قاراباغ داقی اتنیکی ارمنی لره بوُلان جوُغاپکأرچیلیگینی یرینه یتیرمأندیگینی اؤنگه سۆریأر.