پأکیستان دا ترن دمیریوُلدان چیقدی کؤپ سانلی آدام اؤلدی

پأکیستان ینگ نواب شاه شهری نینگ قوُلاییندا بیر یوُلاغچی قطاری دمیریوُلدان چیقدی.

بو پاجیغادا اینگ آز 30 آدام اؤلدی، 90-دان کؤپ آدام دا یارالاندی.

پأکیستان ینگ دمیریوُللاری وزیی خواجه سعد رفیق کراچی دان راولپندی شهرینه باریان هزاره اکسپرسی نینگ 10 واگنی نینگ دمیریوُلدان چیقاندیغینی بیلدیردی.

پأکیستانلی وزیر آرادان چیقانلارینگ جستلری و یارالیلارینگ نوابشاه و سنگر شهرلریندأکی کِسِلحانالارا یتیرلندیگینی آیتدی.

پأکیستان ینگ باش وزیری شهباز شریف بو پاجیغادان سوُنگرا آرادان چیقانلارینگ قارینداشلارینا دویغوداشلیق بیلدیردی.

پأکیستان دا 2021-نجی ییلینگ ژوئن آییندا ایکی اوُتلی نینگ (ترن ینگ) چاقیشماغی نتیجه سینده ده 63 یوُلاغچی آرادان چیقیپدی.