کریسترسون: "تۆرکیه بیلن ایناملی بیر دیالوگا باشلاریس"

سوئدینگ باش وزیری اولف کریسترسون "سوئد اۆچین قوُوی بیر گۆن. (تۆرکیه بیلن) تأزه، ایناملی بیر دیالوگ قوراریس" دیدی.

کریسترسون لیتوانیانینگ پایتاغتی ویلینیوس داقی ناتونینگ ماصلاحاتیندان اوُزال أردوُغان و ناتونینگ باشلیغی بیلن یوردونینگ ناتو قوراماسینا آغضالیغی حاقیندا دوشوشیق گچیردی.

سوئدینگ باش وزیری دوشوشیقدان سوُنگرا بیانات بردی.

کریسترسون تۆرکیأنینگ سوئدینگ آغضالیغی باراداقی پروتکلی مجلیسه ایبرمه گی حاقیندا،

"سوئد اۆچین قوُوی بیر گۆن. (تۆرکیه بیلن) تأزه، ایناملی بیر دیالوگ قوراریس" دییپ آیتدی.

سوئدینگ ناتو قوراماسینا گیرمه گی اۆچین اولی أدیم أدیلندیگینی نیغتان کریسترسون، تۆرکیأ برن سؤزلرینی یرینه یتیرمأگه دوُوام اتجکدیکلرینی آیتدی و "بو سوئدینگ اوزاق مؤهلتلی سؤزی. ناتو قوراماسینا گیرمه ک اۆچین آیدان سؤزۆمیز دأل" دیدی.

تۆرکیه بیلن اوروپا بیله له شیگی نینگ دوشوشیغی حاقیندا دا گنگه شندیکلرینی آیدان کریسترسون، "سوئد تۆرکیأنینگ اوروپا بیله له شیگی بیلن قاتناشیقلارینی قوُلدایار. مدرنیزه ادیلن گۆمرۆک یله له شیگی و ویزا اولغامی نینگ دۆزه دیلمه گینی قوُلداماغا دوُوام ادریس" دیدی.

کریسترسون سوئدده قرآن کریم یاقیلماغی حاقیندا دا "بو ایش سوئدینگ ناتو قوراماسینا گیرمه گینه پأسگِل برمه ک اۆچین ادیلدی. تۆرکیه و مسلمانلارا حوُرماتسیزلیق اۆچین ادیلدی. بو ایشی ادنلر عاقیللارینی باشینا آلمالی" دیدی.