بایدن: اوکراینا قوُلداو برمأگه دوُوام ادریس
بایدن زلنسکی نینگ هیچ قایغی اتمه‌گینه گِره‌ک دألدیگینی آیتدی و آمریکانینگ اوکراینا قوُلداو برمأگه دوُوام اتجکدیگینی بیلدیردی
آمریکانینگ جمهورباشلیغی جو بایدن، اوکراینانینگ جمهورباشلیغی ولودیمیر زلنسکی بیلن دوشوشدی.
بایدن زلنسکی نینگ هیچ قایغی اتمه‌گینه گِره‌ک دألدیگینی آیتدی و "اوکراینا قوُلداو برمأگه دوُوام ادریس" دیدی.
ولودیمیر زلنسکی، روسیانینگ 24-نجی فورال دا اوکراینا قارشی ساواش باشلاتماغیندان بأری ایلکینجی گِزه‌ک بیر داشاری یوردا ساپار قورادی.
زلنسکی بیلن بایدن آق تام دا دوشوشیق گچیردی.
ایکی یوُلباشچی دوشوشیقدان سوُنگرا مطبوغات کنفرانسینی گچیردی.
بایدن، روسیانینگ جمهورباشلیغی ولادیمیر پوتین ینگ اوکرایناداقی اساسی قورلوشیقلاری اوروپ ساواشی مؤجه‌ردیأندیگینی آیتدی.
آمریکانینگ شو گۆنکی گۆنه چنلی اوکراینا برن کؤمِکلرینی آیدان بایدن یوردونینگ اوکراینا قوُلداو و کؤمِک برمأگه دوُوام اتجکدیگینی سؤزلرینه قوُشدی.
زلنسکی ده "ساواشینگ سوُنگقی 30 گۆنۆنده آمریکا بیلن قاتناشیقلاریمیزدا تأزه بیر دؤوره باشلادیق و چئن متفق بوُلدیق" دیدی.
اوکراینانینگ جمهورباشلیغی پوتینا بیر سؤزۆنینگ بوُلوپ بوُلماندیغی باراسینداقی سوُراغا،
"جمهورباشلیقلی دؤورۆمده 2019-نجی ییلدا نرماندی دا پوتین بیلن دوشوشیق گچیریپدیک. اوُنگا اۆلکأمیزا قارشی دوُلولیغینا اشغال اتمه‌ک یالی بیر یاغدایینگ بوُلمالی دألدیگینی، دیپلماتیک چؤزگۆدینگ بارلانماغینی آیدیپدیم. اوُ دا بیله بیر زات بوُلماز دییپدی. اِمما یالان آیدیاردی. بو یاغدایدا اوُنگا نأمه سؤزۆم بوُلوپ بیلر" دیدی.
