ناتونینگ یوُلباشچیلاری نینگ ماصلاحاتی باشلادی
ماصلاحاتدان اوُزال آغضا یورتلارینگ یوُلباشچیلاری حاطیرا صورات چکدیردی
ناتو قوراماسی نینگ دؤولت و حؤکۆمت یوُلباشچیلاری نینگ ماصلاحاتی اسپانیانینگ پایتاغتی مادرید دا باشلادی.
ماصلاحاتدان اوُزال آغضا یورتلارینگ یوُلباشچیلاری حاطیرا صورات چکدیردی.
بو واغتدا تۆرکیأنینگ جمهورباشلیغی رجب طیب أردوُغان بیلن آمریکانینگ یوُلباشچیسی جو بایدن دوشوشدی.
سالاملاشان ایکی یوُلباشچی سوُنگرا بوُلسا استولتنبرگ بیلن دوشوشدی.
ایکی یوُلباشچی سوُنگ بوُلسا انگلستان ینگ باش وزیری بوریس جانسون بیلن آیاقدا گۆررۆنگدش بوُلدی.
ناتونینگ یوُلباشچیسی استولتنبرگ اوکراینا بیلن باغلانشیقلی ماصلاحاتدا روسیا و حیتای یالی اوتوریتر رژیملرینگ دۆزگۆنینه قارشی دۆنیأنینگ توتومی اۆچین ناتونینگ گۆیچلندیریلمه گی نینگ أهمیتلی بوُلاندیغینی آیتدی.
ناتونینگ تأزه گؤزیتیمی بوُلان استراتژیک ماقصادینگ تأزه گؤرنۆشی نینگ قابول ادیلجکدیگینی آیدان استولتنبرگ، ناتونینگ گۆیجی و قوُرانماغی نینگ گۆیچلندیریلجکدیگینی و سوئد و فنلاندینگ چاغیریلماغی بیلن ناتونینگ قاپیلاری نینگ آچیق بوُلاندیغینی گؤرکِزندیکلرینی آیتدی.
ماصلاحاتا یر ایه چیلیگینی ادن اسپانیانینگ باش وزیری پدرو سانچز ده "بریلجک قارارلاریمیز 10 ییللیق پلانیمیزی بِللأر. دۆنیأ بیزه قارایار" دیدی.
تۆرکیه، فنلاند و سوئدینگ اۆچ تاراپلی ایلالاشیغینی قوتلان سانچز "بو ایکی یوردونگ ناتو قوراماسینا گیرمه گی أهمیتلی بیر مسئله دیر" دیدی.
دِگیشلی حابارلار
دۆنیأده باهار مؤوسۆمی قیزغین گچیأر
2024-نجی ییلینگ 105 گۆنۆندن 69 گۆنی گلوبال یاغدایدا اوُرتاچا ییلیلیق رکوردی قوُیولدی
ایران: اصفهان دا اۆچ کیچی اوچارمانسیز اوچار یوُق ادیلدی
ایران ینگ دؤولت تلویزیونی دا اصفهان دا یاغدایینگ دورنوقلی بوُلاندیغینی بیلدیردی
