ایران ینگ آبادان شهرینده ییتگی سانی 14 آداما یتدی
هنیز ده 50 آدامینگ چؤکِن جایینگ ایچینده بوُلاندیغی چاق ادیلیأر
دوشنبه گۆنی ایران ینگ خوزستان ولایاتی نینگ آبادان شهرینده ییقیلان 10 مرتبه لی جایینگ ییتگیلری 14 آداما یتدی.
ایران ینگ دؤولت تلویزیونی بارلاغ حالاص ادیش ایشی نینگ دوُوام ادیأندیگینی حابار بردی.
آبادان ینگ حأکیمی احسان عباسی پور "آبادان دا آرادان چیقانلارینگ سانی 14 آداما یتدی. یارالانانلارینگ سانی دا 37 آداما یتدی" دیدی.
متروپل آدینداقی جای دوشنبه گۆنی ییقیلیپدی.
خوزستان ینگ قاضیهتی بو واقادان سوُنگرا 10 جوُغاپکأرینگ توسساغ ادیلندیگینی حابار بریپدی.
هنیز ده 50 آدامینگ چؤکِن جایینگ ایچینده بوُلاندیغی چاق ادیلیأر.
ایران ینگ حابار سریشده لری، متروپل جایی نینگ ایه سی حسین عبدالباقی نینگ ده اؤلِنلرینگ آراسیندا بوُلاندیغینی حابار بریپدی.
دِگیشلی حابارلار
ارمنیستان دا پاشینیان-آ قارشی یؤریشلر دوُوام ادیأر
ارمنیستان ینگ پایتاغتی ایروان دا ارمنی کلیساسی تاراپیندان گچیریلیأن یؤریش دوُوام ادیأر