اوروپا بیلهلهشیگینه گلن اوکراینالیلارینگ سانی ۶,۳ میلیون آداما یتدی
اینگ کؤپ اوکراینالی بوُسغون لهستانا گلدی
اوروپا بیله له شیگی نینگ سرحِت قوُراغ آژانسی فرونتکس روسیانینگ هۆجۆمیندن سوُنگرا اوکراینادان چیقیپ اوروپا بیله له شیگیندأکی اۆلکهلره گلن اوکراینالیلارینگ سانی نینگ ۶,۳ میلیون آداما یتندیگینی بیلدیردی.
اینگ کؤپ اوکراینالی لهستانا گلدی.
لهستانا گلن اوکراینالیلارینگ سانی 3.4 میلیون آداما یتدی.
رومانیا گلنلرینگ سانی 1.8 میلیون آداما یتدی.
مجاریستان دا 650 مۆنگ اوکراینالی، اسلوواکیادا دا 420 مۆنگ اوکراینالی بار.
گۆنده اوُرتاچا 32 مۆنگ اوکراینالی سرحتلردن گچیپ اوروپا بیله له شیگی یورتلارینا گیریأر.
اوکراینانینگ یورتداشلاری ویزا آلمانی اوروپا بیله له شیگینه گلیپ بیلیأر.
اوکراینانینگ قشونی بوُلسا روسیانینگ قشونی نینگ اوکراینانینگ گۆن دوُغارینا هۆجۆم قورماغا دوُوام ادیأندیگینی بیلدیردی.
اوکراینانینگ قشونی سوُنگقی گۆنده دونتسک و لوهانسک دا روسیانینگ 16 هۆجۆمی نینگ باشارنیقسیز بوُلاندیغینی بیلدیردی.
بو قشون اوکراینانینگ گۆن دوُغاریندا سوُنگقی گۆنده روسیانینگ 8 تانک و 17 سووتلی اولاغینی دا یوُق ادندیگینی بیلدیردی.
دِگیشلی حابارلار
کرواسی داقی سایلاودا کروات دموکرات بیلهلهشیگی ینگیش قازاندی
پارلمان سایلاویندا کروات دموکرات بیله له شیگی (HDZ) بیرینجی بوُلدی
اکوادوردا قوراقلیق و النینو سبأپلی انرژی پوداغی اۆچین دویدویش بریلدی
اکوادوردا شو واغت هر گۆن اوُرتاچا 2-5 ساغات الکتریک بریلمه یأر