زلنسکی: "روسیانینگ یوُلباشچیسی پوتین دیکتاتوردیر"

اوکراینانینگ جمهورباشلیغی ولودیمیر زلنسکی روسیانینگ یوُلباشچیسی پوتین اۆچین "دیکتاتور" سؤزۆنی اولاندی.

زلنسکی، فرانسیادا گچیریلیأن 75-نجی کن فیلم فستیوالی نینگ آچیلیش داباراسینا ویدئوکنفرانس بیلن قاتناشدی.

برن بیاناتیندا ایکینجی جاهان اورشی و آکتیور چارلی چاپلین ینگ 1940-نجی ییلیندا صوراتا دۆشۆرن "دیکتاتور" آدلی فیلمینه اۆنس چکن زلنسکی،

"چارلی چاپلین ینگ دیکتاتور فیلمینده حاقیقی دیکتاتوری اؤلدۆریلمه دی اِمما بو فیلم آرقالی سینما دیمیقلیقدان چیقدی. سینما گپله یأردی و گلجک ینگیشینگ سسی بوُلوپدی" دیدی.

زلنسکی شوُل گۆندن بأری انسانلارینگ کؤپ سانلی فیلم چکندیگینی یاتلاتدی و پوتین اۆچین،

"ساواشینگ ییگرنچلیگی نینگ دوُوامی نینگ بوُلماجاقدیغینی پیکیر ادیپ بیلردیک، اِمما شوُل واغتلاردا بوُلشی یالی ایندی ده بیر دیکتاتور بار" دیدی.

اوکراینانینگ یوُلباشچیسی ساواشماغا دوُوام اتجکدیکلرینی و باشغا چأره لری نینگ یوُقدیغینی نیغتادی.

"دیکتاتورینگ ینگیلجکدیگینه اینانجیم بار" دیه ن زلنسکی، "سینمانینگ دیمیق بوُلماندیغینی ثبوت اتمه ک اۆچین تأزه بیر چاپلین-آ أتیأجیمیز بار" دییپ نیغتادی.

بیله کی تاراپدان حالقارا جزا قاضیه‌تی اوکراینا 42 آداملیق بارلاغ توُپارینی ایبردی.

بو توُپار اوکراینادا ادیلن أحتیمال "ساواش جنایاتلاری" و "آدامزادا قارشی ادیلن جنایاتلار" حاقیندا بارلاغ گچیرر.