شهباز شریف: تۆرکیه همیشه پأکیستانا آرقا بوُلار

پأکیستان ینگ مجلیسی تاراپیندان شو گۆن یوردونینگ 23-نجی باش وزیری حؤکمۆنده سایلانان شهباز شریف تۆرکیه بیلن پأکیستان ینگ قئرا آتیپ بوُلماجاق باغلانشیقلارا ایه دیگینی یاتلاتدی و آنکارانینگ همیشه اسلام آبادینگ یانیندا دوریاندیغینی بیلدیردی.

شریف ایلکینجی بیاناتینی پأکیستان ینگ پارلمانیندا بردی.

عمران خان حؤکۆمتی نینگ داشاری سیاساتینی تانقیت ادن شریف، پأکیستان ینگ استراتژیک شأریکلری و دوُستلاری تاراپیندان ترک ادیلندیگینی و کشمیر مسئله سینده شوُل یورتلارینگ دیمیق قالاندیقلارینی آیتدی.

حیتای یینگ پأکیستان ینگ قوُوی و اربت گۆنۆنده ده شأریگی بوُلاندیغینی یاتلادان شهباز شریف، پکن دوُلانشیغی بیلن یاغشی قاتناشیقلارینگ قورالماغی نینگ أهمیتینه اۆنس چکدی.

پأکیستان ینگ مجلیسی تاراپیندان سایلانان باش وزیر، سعودی عربیستان، تۆرکیه، اوروپا بیله له شیگی نینگ یورتلاری، امارات، انگلستان و ایران بیلن قوُوی قاتناشیقلارینگ قورالماغی نینگ دا أهمیتینی یاتلاتدی و آمریکا بیلن قاتناشیقلاری دنگ بأحبیتلر اساسیندا گۆیلندیریلمه لیدیگینی آیدی.

شهباز شریف تۆرکیأنینگ أهمیتینه اۆنس چکدی و پأکیستان- تۆرکیه آراسینداقی آیریلماجاق قاتناشیقلارینگ باردیغینی بِللأپ تۆرکیأنینگ جمهورباشلیق رجب طیب أردوُغان ینگ یوُلباشچیلیغیندا اولی اۆستۆنلیکلره قوُوشاندیغینی بیلدیردی.

شریف "کشمیر مسئله سینده تۆرکیه همیشه پأکیستانا و کشمیر حالقینا آرقا چیقدی. تۆرکیه همیشه کشمیرلیلرینگ آرقاسیندادیر" دیدی.

پأکیستان ینگ تأزه باش وزیری هیندیستان بیلن قوُوی قاتناشیقلار ایسله یأندیکلرینی ده سؤزلرینه قوُشدی اِمما ایلکی بیلن کشمیر مسئله سی نینگ چؤزگۆده قوُوشمالیدیغینی یاتلاتدی.

شهباز شریف "کشمیرلی دوُغانلاریمیز اۆچین بۆتین فوُروملاردا سسیمیزی یوُقارلاداریس. اوُلارا دیپلماتیک و معنوی قوُلداو برریس" دییپ بیلدیردی.