کروناویروس: اومیکرون دۆنیأنینگ باشینا بِلا

کروناویروس ینگ اومیکرون گؤرنۆشی دۆنیأده یایراماغا دوُوام ادیأر

کروناویروس یوُقانچ کِسِلی نینگ یوُقانچلیغی یوُقارلان اومیکرون گؤرنۆشی بۆتین دۆنیأده یایراماغا دوُوام ادیأر.

ویروس یوُقاشانلارینگ سانی هم آمریکادا هم اوروپادا رکورد قوُیماغا دوُوام ادیأر.

دۆنیأده کروناویروس ینگ ییتگیسی نینگ سانی 5 میلیون 584 مۆنگ آدامدان گچدی.

آمریکادا اؤلِنلرینگ سانی 881 مۆنگ آداما قوُلایلادی.

برزیلیادا دا کروناویروس سبأپلی اؤلِنلرینگ سانی 622 مۆنگ آداما قوُلای.

هیندیستان دا ییتگی سانی 487 مۆنگ 719 آدامدان گچدی.

روسیادا آرادان چیقانلارینگ سانی 323 مۆنگ 376 آداما یتدی.

مکزیک ده ده 301 مۆنگ 789 آدام اؤلدی.

پرودا اؤلِنلرینگ سانی 203 مۆنگ 750 آدامدان گچدی.

بریتانیا، اندونزیا، ایتالیا، ایران، کلمبیا، فرانسیا، آرژانتین و آلمان یالی یورتلار دا دۆنیأده اینگ کؤپ ییتگی چکن یورتلارینگ ساناویندا.