ایران طالیبان توُپاری نینگ داشاری ایشلر وزیرینی میهمان اتدی

ایران ینگ داشاری ایشلر وزیری حسین امیرعبداللهیان، طالیبان توُپاری نینگ اوُوغانیستان ینگ داشاری ایشلر وزیرلیگی نینگ جوُغاپکأری مولوی امیرخان متقی بیلن دوشوشدی.

تهران دا گچیریلن دوشوشیقدا ایران ینگ داشاری ایشلر وزیری ایکی یوردونگ حالقلاری نینگ آراقاتناشیغینا اۆنس چکدی و هیچ بیر داشاری گۆیجۆنگ اوُوغانیستانی اشغال ادیپ شوُل یوردا حؤکۆمت ادیپ بیلمه‌جکدیگینی بیلدیردی.

ایرنانینگ برن حابارینا گؤرأ امیرعبداللهیان ایران ینگ اوُوغانیستان حالقینا کؤمِک برمأگه دوُوام اتجکدیگینی آیتدی.

امیرخان متقی بوُلسا "ایران بیلن سؤودا قاتناشیقلاری، نبیت و ترانزیت مسئله لرینده گۆررۆنگ ادیلندیگینی" آیتدی و قوُنگشیلار بیلن قوُوی قاتناشیقلار اۆچین تاغاللا ادیأندیکلرینی سؤزلرینه قوُشدی.