ایسرائیل ینگ باش وزیری ایلکینجی گِزه‌ک امارات‌دا

تاریحدا ایلکینجی گِزه ک ایسرائیل ینگ بیر باش وزیری امارات دا رسمی ساپاردا بوُلیار.

دۆین بیرلشن عاراپ امیرلیکلرینه (اماراتا) بارن ایسرائیل ینگ باش وزیری نفتالی بنت، شو گۆن ابوظبی نینگ ولیعهدی محمد بن زاید آل نهیان بیلن دوشوشیق گچیردی.

ایسرائیل ینگ باش وزیرلیگی اداراسی تاراپیندان بو واقا باراسیندا،

"تاریحی دوشوشیق: باش وزیر بنت ابوظبی نینگ ولیعهدی محمد بن زاید آل نهیان بیلن دوشوشدی" دییپ بیلدیردی.

بیله کی تاراپدان، امارات ینگ رسمی حابار سریشده سی WAM "حوُوپسوزلیق و دورنوقلیلیغی برکیتمأگه قوُشانت قوُشماق اۆچین ایکی یوردونگ دۆرلی پوداقلاردا حیذماتداشلیق اتجکدیگینی" بیلدیردی.

بو دوشوشیقدا بن زاید ایلایتا دا یاقین گۆن دوُغار یورتلاری اۆچین اکسپو 2020 دوبی یینگ أهمیتینه اۆنس چکدی. بنت بوُلسا "ایکی یوردونگ آراسینداقی حیذماتداشلیغینگ یوُقارلادیلماغی و ایکی تاراپ آراسینداقی پاراحاتچیلیق ایلالاشیقلاری اۆچین أدن أدیملری اۆچین" حوُشالدیغینی آیتدی.

ایلکینجی گِزه ک اماراتا ساپار قوران نفتالی بنت ینگ شو آغشام ساپارینی تاماملاماغینا قاراشیلیار.

ایسرائیل بیلن امارات 2020-نجی ییلینگ 15-نجی سپتامبریندا آمریکاداقی آق تام دا گچیریلن دابارا بیلن رسمی تایدان قاتناشیق باشلادیپدی.