بارزانی: تۆرکیه بیلن حوُوپسوزلیق باراسیندا اوُرتاق قایغیلاریمیز بار

عیراغینگ کۆرت بؤلگه‌له‌یین دوُلانشیغی نینگ باش وزیری مسرور بارزانی، آیرالیقچی ترور قوراماسی پ. ک. ک نینگ بؤلگه ده حوُوپسوزلیق و ایقدیصادی قینچیلیقلار دؤره‌دِندیگینی آیتدی.

بارزانی، اربیل دأکی یاقین گۆن دوُغار بارلاغ مرکزی تاراپیندان گچیریلن "دورنوقلی بیر یاقین گۆن دوُغار اۆچین دورنوقلی بیر عیراق" آدینداقی فوُرومدا چیقیش اتدی.

تۆرکیه بیلن قاتناشیقلاری نینگ کؤپ اوغورلی بوُلاندیغینی نیغتان بارزانی،

"تۆرکیه بیلن سؤودا قاتناشیقلاریمیز بار، بیز قوُنگشی، اوُرتاق حوُوپسوزلیق قایغیلاریمیز بار. بو قاتناشیقلار هر ایکی تاراپ اۆچین ده بأحبیتلی بوُلار" دیدی.

آیرالیقچی ترور قوراماسی پ. ک. ک نینگ بیرنأچه یری باسیپ آلاندیغینا و یرلی یاشاییجیلارینگ اؤیلرینه و یرلرینه گیتمه‌گی نینگ اؤنگۆنه گچندیگینه اۆنس چکن بارزانی، مونونگ حوُوپسوزلیغی (امنیت-ی) تهدیت ادیأندیگینی آیتدی و ایقدیصادی تایدان دا قینچیلیق دؤره‌دیأندیگینی نیغتادی.

بارزانی تۆرکیأنینگ عیراق دا پ. ک. ک ترور قوراماسینا قارشی ادیأن حرکتلری باراسیندا،

"اگر پ. ک. ک بوُلمان بوُلسادی، تۆرکیه اۆچین گلیپ بو قورامانینگ ایزینا دۆشمه گینی حاقلی چیقارماق اؤرأن قین بوُلاردی" دیدی.