ایران ینگ یوُلباشچیسی: هِممه حالق سایلاوا قاتناشسین
ایران ینگ دینی یوُلباشچیسی سایلاوا قاتناشیغینگ یوُقاری بوُلماغینی ایسله‌دی
ایران ینگ یوُلباشچیسی آیت الله علی خامنه ای آمریکا، انگلیس و اوُلارینگ مطبوغاتی نینگ ایران داقی سایلاوینگ مشروعیتینی سوُراغا چِکمه ک اۆچین اولی تاغاللا ادیأندیکلرینی آیتدی.
ایران ینگ دینی یوُلباشچیسی حالقینگ سایلاوا قاتناشماغینی ایسله دی و بو سایلاوینگ أهمیتی باردا شیله دیدی:
"حالق سایلاوا قاتناشیپ حؤکۆمتی بویساندیرجاقدیر. هممه حالق سایلاوا قاتناشمالیدیر. چۆنکی یوردونگ سوسیال دۆزگۆنی بو سایلاوا قاتناشماغا مأتأچدیر. جمهور بوُلماسا اسلام جمهوریتی بوُلماز"
ایرانا دوشمانچیلیق ادن مرکزلرینگ بو سایلاوا قارشی یؤریته ایش آلیپ باریاندیقلارینی نیغتان خامنه ای،
"سایلاوا قارشی بوُلان پروپاگاندالار سایلاولاردان اؤرأن اوُزال باشلادی. دۆنیأده هیچ بیر یوردونگ سایلاولارینا شیله دوشمانچیلیقلی هۆجۆم ادیلمه یأر" دیدی و شیله دوُوام اتدی:
"حالق شیکأیت ادیپ بیلر و مونگا حاقی باردیر اِمما صاندیغا اؤیکه‌له‌مِک مسئله لری چؤزگۆده قوُوشورماز"
