بنگلادش ده کمپ ده یانغین بوُلدی، کؤپ سانلی آدام اؤلدی
آراکانلی مسلمانلارینگ قالیان کمپی یاندی
بنگلادش ده آراکانلی مسلمان بوُسغونلارینگ کمپینده بوُلان یانغیندا اینگ آز 28 آدام اؤلدی.
40-دان کؤپ آدامینگ دا یارالاناندیغی بیلدیریلیأر.
برمه انسان حاقلاری جمغیتچیلیگی نینگ باشلیغی کیاو وین یانغین سبأپلی کمپ دأکی 15 چادیرینگ یوُق بوُلاندیغینی دا آیتدی.
بیرلشن میللتلر قوراماسی نینگ بوُسغونلاردان جوُغاپکأر یوُقاری کمیساریاسی نینگ بنگلادش دأکی وکیلی یوهانس ون در کلاو دۆین برن بیاناتیدا، بالوخالی کمپینده بوُلان یانغیندان سوُنگرا 400 آدامینگ ییتندیگینی آیدیپدی.
کلاو یانغینینگ اؤرأن اولی مؤچبرده بوُلاندیغینی سؤزلرینه قوُشوپدی.
بنگلادش دؤولتی یانغین بیلن باغلانشیقلی درنگو ایشینه باشلاداندیغینی بیلدیردی.
آراکان مسلمانلاری 2017-نجی ییلینگ آگوست آییندا میانمارداقی ظلم و باسیشلاردان قاچیپ بنگلادشه سیغینماغا باشلاپدی.
شوُلارینگ بنگلادش دأکی سانی نینگ 900 مۆنگ آداما یتندیگی بیلدیریلیأر.
