آمریکادا ترامپ ینگ تاراپدارلاری کنگره مجلیسینه گیردی

آمریکانینگ پایتاغتی واشنگتن دا دونالد ترامپ ینگ تاراپدارلاری کنگره مجلیسینه گیردی.

بوُلان قال‌ماغالدا کؤپ سانلی پلیس بیلن بیر زنانا یارالاندی.

دۆین یرلی واغت بیلن ساغات 18-دن باشلاپ کؤچأ چیقماق قاداغان ایغلان ادیلدی.

پایتاغتدا کؤچه لره چیقان ترامپ ینگ تاراپدارلاری پلیس گۆیچلریندن گچیپ کنگره مجلیسی نینگ ایچینه گیردی.

پلیس گؤزۆنگی یاشاردیان گاز بیلن ایچری گیرنلری داشاری چیقاردی.

بوُلان قال‌ماغالدا کؤپ سانلی پلیس یارالاندی.

واقادا بیر زنانا دا یارالاندی. یارالی زنانانینگ یاغدایی نینگ آغیر بوُلاندیغی بیلدیریلدی.

حوُوپسوزلیق گۆیچلری (امنیت گۆیچلری) کنگره نینگ قوُلاییندا بیر بمبا تاپاندیقلارینی و تأثیرسیز یاغدایا گتیرندیکلرینی بیلدیردی.

کنگره ده جو بایدن ینگ جمهورباشلیق حؤکمۆنده تاصصیقلانماغینا قاراشیلیاردی.

بو واقالاردان سوُنگرا ماصلاحاتینگ باشلیغی مایک پنس داشاری چیقاریلدی.

سوُنگ بوُلسا سناتورلار داشاری چیقاریلدی.

واقالاردا کؤپ سانلی پلیس ینگ دا یارالاناندیغی بیلدیریلدی.

سایلانان جمهورباشلیق جو بایدن مطبوغات گنگه شینده "آمریکانینگ دموکراسیسی و حقوغینگ اۆستۆنلیگینه ادیلن هۆجۆمینگ" دوروزیلماغینی ایسله دی.

پنسیلوانیانینگ ایالت حأکیمی تام ولف توییتردان برن بیاناتیندا، بو واقانینگ "آغدارلیشیغا سینانشیق" بوُلاندیغینی آیتدی.

دونالد ترامپ میللی قوُراغچیلار توُپارینا، کنگره مسئله سینده گؤرکِزمه بردی.

دونالد ترامپ کؤچأ چیقانلارا "پاراحاتچیلیقلی قالماغی" سالغی بردی.

سوُنگ بوُلسا "سایلاوی بیزدن اوُغورلادیلار اِمما ایندی اؤیۆنگیزه گیدینگ" دیدی.

دونالد ترامپ موندان اوُزال برن بیاناتیندا، سایلاودا اوتدوراندیغینی قابول اتمه جکدیگینی و گؤره شه دوُوام اتدیرجکدیگینی بیلدیریپدی.