ترورچی تارانت ینگ قاضیه ت ایشلری باشلادی

تأزه زلانددا کرایس چرچ شهریندأکی ایکی متجیده قوران یاراغلی هۆجۆمینده 51 آدامی اؤلدۆریپ، 49 آدامی یارالان ترورچی برنتون تارانت ینگ قاضیه ت ایشینه باشلاندی.

رادیو تأزه زلاندینگ حابار برمه گینه گؤرأ ترورچی تارانت ینگ آلجاق جزاسینی کسگیتله‌مه ک اۆچین کرایس چرچ شهری نینگ یوُقاری قاضیه تینده باشلان و 4 گۆ دوُوام اتمه گینه قاراشیلیان دینگله نیشینگ بیرینجی گۆنی یوُقاری حوُوپسوزلیق شرطلرینده باشلادی.

ترور هۆجۆمینده پیدا بوُلانلارینگ یاقینلاری بیلن هۆجۆمده یارالانانلارینگ قاتناشماغیندا گچیریلیأن دینگله نیشینگ گچیریلیأن یرینه باریان أهلی یوُللار قاتناوا یاپیلدی، بینالارینگ اۆستۆنه مرگنلر یرله شدیریلدی.

کرایس چرچ ینگ یوُقاری قاضیه تی نینگ اولی قاضیسی کامرون ماندر تاراپیندان سود ادیلجک ترورچی دینگله نیشگه توسساغلیقدا ساقلانیان آوکلند توسساغحاناسیندان ویدئوشکیللی و سسلی قاتناشیق اصولیندا قاتناشدی.

اؤزۆنی آقلاما ایسله گی 13-نجی ایول دا کرایس چرچ دأکی یوُقاری قاضیه ت تاراپیندان قابول ادیلن ترورچی تارانت حاقیندا 51 سانیسی آدام اؤلدۆرمه ک، 40 سانیسی آدام اؤلدۆرمأگه سینانشماق و 1 سانیسی ترور هۆجۆمی بوُلان گۆنأکأرله مه لرینگ أهلیسی قابول ادیلیپدی.

آق یاغیزلارینگ بیله کی قوملاردان یوُقاریدیغینی اؤنگه سۆریأن آشاساغچی ترورچی نینگ 4 گۆن دوُوام اتجک قاضیه ت ایشیندن سوُنگ عؤمۆر بوُیی آزاتلیقلدان ماحروم ادیمه گینه قاراشیلیار.

تارانت کرایس چرچ شهریندأکی نور و لیتدود متجیتلرینه 2019-نجی ییلینگ 15-نجی مارتیندا جومغا نامازی اوُقالیان واغتیندا اتوماتیک یاراغلار بیلن هۆجۆم ادیپ، 1 سانیسی تۆرک 51 آدامی اؤلدۆریپدی، 2 سانیسی تۆرک 49 آدام دا یارالانیپدی.