پ. ک. ک اعزاز شهرینه هۆجۆم قورادی

ترور قوراماسی پ. ک. ک/ ی. پ. گ نینگ ترورچیلاری سوریأنینگ اعزاز شهرینده بمبا یۆکلی اولاغ بیلن هۆجۆم قورادی.

هۆجۆمده ایلکینجی کِسگیتلره گؤرأ یؤنه کی رایاتلاردان 5 آدام اؤلدی، 85 آدام یارالاندی.

محالیفلارینگ کنترلینداقی اعزازینگ بیر اوُباسیندا بوُلان بو هۆجۆمدن سوُنگ یارالیلار تۆرکیأ گتیریلدی.

حوُوپسوزلیق چشمه لری، ترورچیلیقدان صاپلانان یرلرده بمبالی هۆجۆملرینگ آیرالیقچی ترور قوراماسی ی. پ. گ/ پ. ک. ک تاراپیندان قورالیاندیغینی اِمما یؤنه کی رایاتلار ضِلِل گؤره‌نی اۆچین شوِل قورامانینگ بو هۆجۆملرینگ جوُغاپکأرچیلیگینی قابول اتمه یأندیگینی بیلدیریأر.

اوُزالقی گۆن ده عفرین ینگ مرکزینده سوریأنینگ میللی قشونی نینگ اولاغینا یرله شدیریلن بمبانینگ یاریلماغیندان سوُنگرا 13 آدام یارالانیپدی.

ی. پ. گ/ پ. ک. ک نینگ ترورچیلاری 2019-نجی ییلینگ نوُیابر آییندا تۆرکیه بیلن روسیا آراسیندا قوُل چکیشیلن ایلالاشیغا گؤرأ تل رفعت دن چیقمالیدی.

شوُل ترور قوراماسی ایزی گیدرلی یاغدایدا الباب، اعزاز، جرابلس و عفرین شهرلری نینگ یاشاییجیلارینا هۆجۆم ادیأر.