اۇوغانیستان دا بیر اوچار یره قاچدی

اۇوغانیستان ینگ غزنی ولایاتیندا آریانا افغان شرکتینه دگیشلی بۇلاندیغی آیدیلان بیر یۇلاغچی اوچاری یره قاچدی.

آریانا افغان شرکتی قاچان اوچاری نینگ اؤز اوچارلاری بۇلماندیغینی بیلدیردی.

غزنی ولایاتی نینگ حأکیمی وحیدالله کلیم زی یرلی واغت بیلن اؤیلأن ساغات ۱۳.۱۰ قۇلاییندا بیر یۇلاغچی اوچاری نینگ ده یک شهری نینگ قۇلاییندا یره قاچاندیغینی تاصصیقلادی.

کلیم زی بؤلگه ده طالیبان ینگ بۇلانی اۆچین آنیق ماغلومات آلیپ بیلمه‌یأندیکلرینی آیتدی.

غزنی نینگ پلیس گۆیچلری نینگ باشلیغی احمد خالد وردک اوچارینگ آریانا افغان هۇوایۇلی شرکتینه دگیشلی بۇلاندیغینی بیلدیرسه ده، آریانا افغان اوچارلاری نینگ یره قاچماندیغینی بیلدیریأر.